Wilma Rudolph

Wilma Rudolph

Nome orixinal	(en) Wilma Glodean Rudolph
Biografía
Nacemento	23 de xuño de 1940 Clarksville, Estados Unidos de América (pt)
Morte	12 de novembro de 1994 (54 anos) Brentwood, Estados Unidos de América (pt)
Causa da morte	cancro de cerebro
Lugar de sepultura	Edgefield Missionary Baptist Church Cemetery (en) Tennessee
Grupo étnico	Afroamericano
Educación	Tennessee State University (pt)
Altura	180 cm
Peso	59 kg
Actividade
Ocupación	velocista
Nacionalidade deportiva	Estados Unidos de América
Deporte	atletismo
Disciplina deportiva	carreira de velocidade
Participou en
1960	Atletismo nos Jogos Olímpicos de Verão de 1960 - 4 x 100 m estafetas feminino (pt)  (medalla de ouro olímpica)
1960	Atletismo nos Jogos Olímpicos de Verão de 1960 - 200 m feminino (pt)  (medalla de ouro olímpica)
1960	Atletismo nos Jogos Olímpicos de Verão de 1960 - 100 m feminino (pt)  (medalla de ouro olímpica)
1956	Atletismo nos Jogos Olímpicos de Verão de 1956 - 4 x 100 m estafetas feminino (pt)  (Medalla de bronce olímpica)
	Atletismo nos Jogos Pan-Americanos de 1959 - 200 m feminino (pt)  (medalla de prata)
Premios
(2004)  Distinguished Americans series (en) (1994)  National Women's Hall of Fame (1961)  Prêmio James E. Sullivan (pt) (1961)  Atleta do ano pola Prensa Asociada (1960)  Atleta do ano pola Prensa Asociada
Descrito pola fonte	Notable Black American Women Great Women Athletes of the 20th Century (en)

Wilma Rudolph, nada en Marksville (Tennessee) o 23 de xuño de 1940 e finada en Brentwood o 12 de novembro de 1994, foi unha atleta estadounidense que destacou pola súa rapidez converténdose en 1961 na muller máis rápida do mundo.

Foi a primeira deportista estadounidense que conseguiu tres medallas de ouro nunha mesma cita olímpica sendo tripla medallista de ouro nos Xogos olímpicos de verán de 1960 en Roma en 100 metros, 200 metros e relevos 4 × 100 metros. Tamén estivo en posesión de récords do mundo nestas tres disciplinas. Continúa a ser considerada como unha das principais influencias para as atletas negras estadounidenses polo impulso entre a mocidade negra feminina na práctica deste deporte.

Traxectoria

Era a vixésima de vinte e dous fillos dunha familia pobre afroamericana. Naceu prematuramente e tivo unha infancia con problemas de saúde: unha dobre pneumonía aos catro anos e un ataque de poliomielite que lle deixou paralizada unha perna durante varios anos aos seis. A pesar diso, o seu tesón levouna a superar estas contrariedades e foi unha boa xogadora de baloncesto e corredora no instituto.

Competiu nas eliminatorias para os Xogos Olímpicos de Melbourne en 1956, obtendo unha praza no equipo olímpico grazas ao seu segundo posto nos 200 metros lisos. Con todo, caeu eliminada na súa serie, ao quedar terceira na súa serie trala soviética María L. Itkina e a alemá Kohler. Participou nos relevos 4×100, onde o equipo dos Estados Unidos quedou en terceira posición, tras Australia e o Reino Unido.

Rudolph gañou en 1957 o campionato nacional júnior de 75 e 100 iardas. En 1958 foi nai. En 1960 gañou as eliminatorias de selección para os Xogos Olímpicos de Roma 1960, as probas de 100 e 200 metros lisos. Neses xogos olímpicos obtivo a medalla de ouro en ambas as probas, así como tamén na de relevos curtos. En 1961 en Moscova igualou a marca mundial dos 100 metros lisos con 11,3 segundos e rompeuno en Stuttgart catro días máis tarde con 11,2 converténdose na muller máis rápida do mundo e recibindo o sobrenome de "a gacela negra". Retirouse a finais de 1962, con 22 anos.

Moi activa nas protestas que tiñan lugar para terminar coas leis de segregación racial ao finalizar a súa carreira deportiva decidiu terminar os seus estudos e traballar cos mozos dos guetos das grandes cidades. Por iso, participou na 'Operación Champion', destinada a promover a práctica do deporte entre aqueles mozos que non tiñan opción de federarse e posteriormente creou a súa propia fundación, que se dedicaba a ofrecer adestramentos gratuítos e organizar competicións entre os mozos máis necesitados.

Morreu o 12 de novembro de 1994 aos 54 anos dun tumor cerebral. O seu funeral foi seguido masivamente e recibiu numerosas homenaxes.

Homenaxes e recoñecementos

En Clarksville, Tennessee hai unha rúa e unha estatua co seu nome.

En 1996 a Fundación Women's Sports creou o Premio de Wilma Rudolph á Coraxe.

Tamén hai un premio co seu nome ás mulleres loitadoras, un colexio da zona americana de Berlín chámase como ela e, en 2004, o Servizo Postal dos Estados Unidos sacou un selo coa súa imaxe.

Véxase tamén

Ligazóns externas

• Wilma Rudolph, Whitehouse Kids
• Sports Heroes: Wilma Rudolph Arquivado 05 de febreiro de 2010 en Wayback Machine., My Hero Project
• Wilma Rudolph
• Norwood, Arlisha. "Wilma Rudolph". National Women's History Museum. 2017