Olmo de montaña
Ulmus glabra | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
![]() Follas asimétricas do olmo de montaña cos seus grandes lóbulos | |||||||||||||||||||
Estado de conservación | |||||||||||||||||||
![]() Vulnerable | |||||||||||||||||||
Clasificación científica | |||||||||||||||||||
| |||||||||||||||||||
Nome binomial | |||||||||||||||||||
Ulmus glabra Huds., Fl. Angl., 95, 1762 non Mill., Gard. Dict., ed. 8, 4, 1768 | |||||||||||||||||||
supespecie | |||||||||||||||||||
véxase no texto |
![](http://upload.wikimedia.org/wikipedia/commons/thumb/d/d1/Ulmus_glabra_flowers_-_Keila.jpg/220px-Ulmus_glabra_flowers_-_Keila.jpg)
O olmo de montaña[1][2], tamén coñecido como ulmeiro de montaña[1][2] ou lamigueiro[1][2][3] (Ulmus glabra), é unha das especies do xénero Ulmus da familia das ulmáceas, típico das montañas de toda Europa. En Galiza hoxe é escaso, aparecendo algúns exemplares nas montañas orientais ou nas Fragas do Eume.
Descrición
[editar | editar a fonte]É unha árbore grande co toro recto e que pode acadar os 40 metros de altura; a casca é máis fibrosa ca o do olmo mediterráneo (‘’Ulmus minor’’), tamén presente en Galiza. As follas son estipuladas simples, alternas e caedizas, serradas, moi asimétricas na base e longamente acuminadas que presenta frecuentemente un saínte a cada lado. As flores, inconspicuas, hermafroditas e apétalas, aparecen en grupiños de 10-20 antes que as follas, ou sexa a principios da primavera. Os froitos (sámaras) - que son un elemento importante para a determinación específica - teñen forma suborbicular cun tamaño duns 2,5 por 2 cm, ás de bordos lisos e semente en posición central.
Citoloxía
[editar | editar a fonte]- 2n=28
Distribución
[editar | editar a fonte]Este olmo atópase dende a Península Ibérica até o Cáucaso, os Apeninos, o sur da Bretaña e Noruega. Na Península Ibérica medra entre os 1000 e os 1500 metros de altitude distribuíndose polo norte, especialmente nos Pireneos cataláns. Tamén aparece en Aragón, País Vasco, Cantabria, Asturias e Galiza. En Galiza non é moi común hoxe en día, aínda que se cre que o foi na antigüidade, antes da chegada da grafiose e das tallas indiscriminadas da Coroa Española na Idade Moderna no Reino de Galiza.
Subespecies e variedades
[editar | editar a fonte]Algúns botánicos, en particular Lindquist[4] [1] (1931) propuxeron dividir a especie en dúas subespecies:
- Ulmus glabra subsp. glabra. Na parte sur da área de distribución da especie. Follas anchas; árbores a miúdo cun toro curto e bifurcado e unha coroa baixa e ancha.
- Ulmus glabra subsp. montana (Stokes) Lindqvist. Na parte norte da área de distribución (Gran Bretaña setentrional, Escandinavia). Follas máis estreitas; árbores normalmente cun toro longo único e unha coroa alta e estreita.
Porén, hai moita superposición entre as poboacións nestes trazos e a distinción pode deberse á influencia medioambiental, mais que a unha variación xenética; as subespecies non son aceptadas por, entre outros, Flora Europaea e Flora Ibérica.[5][6] Preto de 40 cultivares téñense logrado aínda que moitas, ao menos 30, probabelmente se teñan perdido para o cultivo como consecuencia da grafiose e outros factores. Entre eles cómpre citar dous con pólas penduradas:[7]
- Ulmus glabra 'Camperdownii', coa copa en forma de antuca;
- Ulmus glabra 'Pendula', coa copa moi aberta e maior crecemento.
Sinónimos
[editar | editar a fonte]- Ulmus campestris L.
- Ulmus campestris var. latifolia Aiton
- Ulmus glabra var. horizontalis (G.Kirchn.) Dippel
- Ulmus horizontalis Loudon nom. inval.
- Ulmus latifolia Moench
- Ulmus montana With. nom. illeg.
- Ulmus montana var. pendula Loudon
- Ulmus montana var. pendula-variegata Hartwig & Rümpler
- Ulmus podolica Klokov
- Ulmus scabra Mill.
- Ulmus scabra f.horizontalis (G.Kirchn.)
- Ulmus scabra f. pendula (Loudon) Dippel
- Ulmus sukaczevii Andrews[8]
![](http://upload.wikimedia.org/wikipedia/commons/thumb/2/20/Camperdown_Elm_Prospect_Park_Brooklyn.jpg/250px-Camperdown_Elm_Prospect_Park_Brooklyn.jpg)
Notas
[editar | editar a fonte]- ↑ 1,0 1,1 1,2 Termos esenciais de botánica, páx. 53, Universidade de Santiago de Compostela, 2004.
- ↑ 2,0 2,1 2,2 Vocabulario forestal, páx. 126, Servizo de Normalización Lingüística, Universidade de Santiago de Compostela, 2012
- ↑ Non confundir coas árbores do xénero Populus, tamén chamadas no Dicionario da RAG lamigueiros ou chopos negros.
- ↑ Lindquist, B. (1931). Two varieties of North West European Ulmus glabra. Bot. Exch. Club Rep.
- ↑ Flora Europaea: Ulmus glabra
- ↑ "Flora Ibérica, RJB-CSIC, Madrid" (PDF). Arquivado dende o orixinal (PDF) o 02 de xullo de 2012. Consultado o 04 de abril de 2013.
- ↑ "Olmo de montaña" en infojardín
- ↑ "Sinónimos en The Plant List". Arquivado dende o orixinal o 31 de decembro de 2012. Consultado o 04 de abril de 2013.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Olmo de montaña ![]() |
![]() |
Wikispecies posúe unha páxina sobre: Olmo de montaña |
Outros artigos
[editar | editar a fonte]Bibliografía
[editar | editar a fonte]- Moro, Rafael (1988). Guía de los árboles de España. Madrid:Omega. ISBN 84-282-0835-2.