Tratado de Saint-Germain
![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
![](http://upload.wikimedia.org/wikipedia/commons/thumb/d/d7/AustriaHungaryWWI.gif/220px-AustriaHungaryWWI.gif)
O Tratado de Saint-Germain-en-Laye foi asinado nesa localidade francesa o 10 de setembro de 1919[1] entre as potencias aliadas e asociadas e Austria para pór fin á Primeira guerra mundial. Neste tratado establecíase o desmembramento da antiga monarquía dos Habsburgo, o Imperio Austrohúngaro, que foi substituído pola República de Austria como «estado sucesor» quedando limitada a algunhas áreas nas que soamente se falaba alemán e que foi excluída das negociacións sendo obrigada a asina-lo tratado. O tratado foi reatificado polo Consello Nacional austríaco ou Parlamento o 17 de outubro.[2]
O posterior Tratado de Trianon, asinado en 1920 entre os aliados e Hungría, completou o proceso de desmembramento do Imperio Austrohúngaro.
Características
[editar | editar a fonte]O tratado redactouse en francés, a lingua de interpretación en caso de discrepancias, inglés, italiano e ruso, mais non en alemán.
O tratado establecía o nome oficial do país vencido, Austria (Österreich), ao que se lle prohibía de xeito expreso o Anschluss (o reagrupamento ou unión con Alemaña), a fabricación e o comercio de armamento e a constitución dun exército de leva (tiña autorizado un exército profesional limitado a 30.000 homes). Igualmente, obrigábaselle a pagar aos aliados cuantiosas indemnizacións e a restituír numerosas obras de arte do tesouro imperial dos Habsburgo, aínda que moitas delas fosen de Austria dende había moitos séculos e fosen adquiridas lexitimamente.
Cláusulas territoriais
[editar | editar a fonte]- Galitzia foi outorgada a Polonia en contra da opinión maioritaria dos seus habitantes, de nación rutena, que querías seren incorporados a Ucraína.
- Bohemia, Moravia, e algunhas áreas da Baixa Austria, foron reunidas nun estado de nova creación, Checoslovaquia, que tamén incorporou o territorio xermanófono dos Sudetes.
- Tirol do Sur, o territorio de Trento, o Val de Canale, varias illas de Dalmacia e as cidades de Trieste e Zadar, foron outorgadas a Italia; isto implicou que Austria perdese o acceso ao mar Mediterráneo.
- A Bucovina, foi entregada a Romanía.
- Algunhas partes de Estiria e de Carintia, pasaron ao Reino dos Serbios, Croatas e Eslovenos.
- Os dereitos sobre o enclave de Tientsin, foron restituídos a China.
- Decidiuse a celebración dun referendo na cidade de Klagenfurt para decidir a súa permanencia en Austria ou a incorporación a Eslovenia. Celebrouse o 10 de outubro de 1920 decidindo permanecer en Austria. Este feito, máis a incorporación to territorio húngaro de Burgenland, como consecuencia do Tratado de Trianon, conformaron os territorios de Austria, que pasou a ser unha República Federal composta por 8 pequenos estados.[2]
Notas
[editar | editar a fonte]- ↑ "Tratado de Saint-Germain-en-Laye (1919)". dipublico.org (en castelán). Consultado o 10-7-2020.
- ↑ 2,0 2,1 Redondo (1984), p.129
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Tratado de Saint-Germain ![]() |
Bibliografía
[editar | editar a fonte]- Redondo, Gonzalo (1984). Historia Universal. XIII (La libertades y las democracias). Ediciones Universidad de Navarra.
Outros artigos
[editar | editar a fonte]Ligazóns externas
[editar | editar a fonte]- Texto do Tratado (en inglés)
![]() |
Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |