Tomás Collado Herrero
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 21 de decembro de 1925  (98 anos)Nieva, España | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Período de actividade | 1949 - 1960 | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||
| |||||||||||||||||||||||||||||||||||
Tomás Collado Herrero, nado en Nieva (Segovia) o 21 de decembro de 1925, é un exfutbolista español. Xogaba de defensa.
Traxectoria
[editar | editar a fonte]Aínda que naceu na localidade segoviana de Nieva, viviu dende os dous meses en Xixón, onde comezou a xogar ao fútbol en equipos infantís.[1] Pasou polo Olimpia e o Jalisco,[2] antes de realizar o servizo militar en León, onde xogou na Cultural Leonesa e no Deportivo Maestranza Aérea, que militaba na Terceira División e co que debutou nun partido na Coruña fronte ao Xuvenil.[1]
Trala desaparición do club leonés fichou pola UD Salamanca, coa que que xogou durante catro tempadas na Segunda División. Nas dúas últimas tivo como adestrador ao galego Santiago Losada, que o recomendou a Carlos Iturraspe, técnico do Deportivo da Coruña. Deste xeito converteuse en futbolista do Deportivo en setembro de 1953.[3] Debutou na Primeira División na segunda xornada da tempada 1953/54 contra o Sporting de Gijón en Riazor, e foi titular durante case toda a campaña, con Zubieta e Rodolfo como compañeiros máis habituais na defensa.
Militou seis campañas no Deportivo da Coruña, catro delas na máxima categoría, e sumou 144 partidos oficiais e 4 goles. En maio de 1959 tributóuselle unha homenaxe no estadio de Riazor, cun partido amigable entre o Deportivo e o Zaragoza, no que o club coruñés xogou reforzado con futbolistas como Romero, Suco, Amarilla ou Jaburú.[2][4] En outubro dese ano fichou polo Racing de Ferrol, da Segunda División, co que xogou só tres partidos de liga.[5]
Notas
[editar | editar a fonte]- ↑ 1,0 1,1 "Opina Tomás, defensa herculino". La Noche (en castelán) (11438). 15 de novembro de 1957. p. 6. Consultado o 21 de decembro de 2021.
- ↑ 2,0 2,1 "Charla con Tomás Collado en vísperas de su homenaje". La Noche (en castelán) (11763). 26 de maio de 1959. p. 5. Consultado o 21 de decembro de 2021.
- ↑ "Collado firma por el Deportivo". La Noche (en castelán) (10151). 8 de setembro de 1953. p. 2. Consultado o 21 de decembro de 2021.
- ↑ "El Zaragoza y Deportivo empataron a dos tantos". La Noche (en castelán) (11766). 29 de maio de 1959. p. 5. Consultado o 22 de decembro de 2021.
- ↑ "El C. Ferrol a Orense". El Pueblo Gallego (en castelán) (11787). 25 de outubro de 1959. p. 15. Consultado o 22 de decembro de 2021.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en BDFutbol (en castelán).
| Control de autoridades |
|
|---|
