Tiziana Domínguez
| Biografía | |
|---|---|
| Nacemento | 16 de novembro de 1985  (39 anos)Ourense, España |
| Educación | Middlebury College (pt)  |
| Actividade | |
| Ocupación | deseñador de moda |
| Empregador | Adolfo Domínguez |
| Familia | |
| Cónxuxe | Juan Verde (2011–2018) |
| Pai | Adolfo Domínguez |
| Irmáns | Valeria Domínguez Adriana Domínguez González |
Tiziana Domínguez González, nada en Ourense o 16 de novembro de 1985 é unha deseñadora de moda e artista. Actualmente[cando?] é a directora creativa da firma Adolfo Domínguez S.A., sendo a menor das tres fillas do deseñador que dá nome á compañía e Elena González. Tiziana forma parte da terceira xeración da empresa, fundada no ano 1973 a partir da xastrería que rexentaba o seu avó. Está casada con Juan Verde, Subsecretario Adxunto para Europa e Eurasia do departamento de Comercio de USA.
Traxectoria
[editar | editar a fonte]Comeza a formación no estranxeiro con sete anos, estuda en Gran Bretaña, Austria e Francia, anos nos que aprende inglés, alemán e francés. Tras finalizar o bacharelato en Gran Bretaña cursa o Foundation in Art & Design na Leeds College of Art completado con cursos impartidos polo Central Saint Martins College of Art and Design e o Hampstead School of Art. Máis tarde trasladouse a Vermont (EUA), onde se licenciou en Económicas polo Middlebury College.
Deseño
[editar | editar a fonte]Dende o seu posto na Dirección Creativa, Tiziana Domínguez deseña, xunto ao seu pai, as colección da firma. Introduciu materiais ecolóxicos en todas as coleccións e aposta pola moda sostíbel. No ano 2011 presenta a súa primeira liña 100% ecolóxica Green Me, pezas de roupa de deseño confeccionadas con tecidos orgánicos e reciclados de última xeración.
Pintura e escultura
[editar | editar a fonte]En maio de 2011 presenta a súa primeira exposición de pintura, ‘Ants, horses & other relatives’. Unha obra figurativa, expresionista, con moita cor, onde mestura óleo con area, café, serríaduras, plantas, insector e outras materias.
A súa pintura inspírase nos animais e na natureza, reflectindo a súa preocupación polo medio ambiente. Frecuentemente as súas obras inspiran os estampados das coleccións presentadas en Cibeles e as súas esculturas as xoias da firma.
Ética profesional
[editar | editar a fonte]En 2009 fundou o departamento de Responsabilidad Social Corporativa (RSC) de Adolfo Domínguez S.A. Este departamento publicou a Política de Benestar Animal (2010), documento no que rechaza o uso de peles exóticas, así como a práctica de actividades violentas ou de maltrato de animais, como a extracción de plumas a aves vivas ou o mulesing.
Só emprega coiro en bolsos e complementos sempre que este conte con certificados que aseguren que procede de animais criados para a alimentación.
