Teshub
| Teshub | |
|---|---|
Deus do ceo, o trono e as tormentas | |
 Teshub (esquerda) sendo adorado polo rei Warpalawas de Tyana. | |
| Outros nomes | Tarhun, Tarhunt, Tarhunzas[1] |
| Información persoal | |
| Pais | Enlil ou os xenitais de Anu comidos por Kumarbi |
| Irmáns | Tigris (irmán) Tashmishu (irmán) Ullikummi (medio irmán segundo algunhas versións) |
| Consorte | Hebat Arinniti |
| Fillos | Sarruma e Inara |
| Equivalentes | |
| Equivalente grego | Zeus[2] |
| Equivalente romano | Xúpiter |
Teshub (tamén escrito Teshup, Teššup ou Tešup; en cuneiforme dIM; xeróglifo luvita (DEUS)TONITRUS, lido como Tarhunzas;[1] ugarítico 𐎚𐎘𐎁, TṮB[3]) foi o deus hurrita do ceo, o trono e as tormentas. Taru era o nome dun deus da tormenta hatti semellante, cuxa mitoloxía e culto como divindade primaria continuaron e evolucionaron a través das culturas hititas e luvianas descendentes. Nestes dous casos, Taru era coñecido como Tarhun / Tarhunt- / Tarhuwant- / Tarhunta, nomes derivados da raíz anatólica *tarh "derrotar, conquistar".[4][5] Taru/Tarhun/Tarhunt foi finalmente asimilado e identificado co hurrita Teshub ao redor da época das reformas relixiosas de Muwatallis II, gobernante do Novo Reino Hitita a comezos do século XIII a.C.[6] En xeral, estas reformas pódense clasificar como unha incorporación oficial de divindades hurritas ao panteón hitita, sendo un número menor de deuses hurritas importantes (como Teshub) que se identifican explicitamente con grandes divindades hititas preexistentes (como Taru). Teshub reaparece no reino sucesor cultural post-hurrita de Urartu como Tesheba, un dos seus principais deuses; na arte urartiana represéntase de pé sobre un touro.[6]
Notas
[editar | editar a fonte]- ↑ 1,0 1,1 Annick Payne (2014), Hieroglyphic Luwian: An Introduction with Original Texts, 3rd revised edition, Wiesbaden: Harrassowitz Verlag, p. 159.
- ↑ M.L. West, Hesiod Theogony (1966:18-31); G.S. Kirk, Myth: Its Meaning and Function in Ancient and Other Cultures (Berkeley e Os Ánxeles, 1970:214-20.
- ↑ UT 31
- ↑ Tarhun (Encyclopædia Britannica)
- ↑ "Hittite language reading". Arquivado dende o orixinal o 07 de outubro de 2014. Consultado o 05 de setembro de 2022.
- ↑ 6,0 6,1 Teshub (Encyclopædia Britannica)
