Sud Aviation
| Sud Aviation | |
|---|---|
 | |
_-_53Fi1803_(cropped).jpg)  | |
| Fundación | 1 de marzo de 1957 |
| Localización | Tolosa, Francia |
| Industria | aeroespacial |
| [ editar datos en Wikidata ] | |
Sud Aviation foi un construtor aeronáutico francés nacido da fusión de Sud-Est (SNCASE ou Société nationale des constructions aéronautiques du sud-est) e Sud-Ouest (SNCASO ou Société nationale des constructions aéronautiques du sud-ouest) o 1 de marzo de 1957. Ámbalas dúas compañías naceran de pequenas corporacións privadas que foran nacionalizadas en seis grupos de deseño e fabricación xusto antes da segunda guerra mundial.
Dende 1960 a firma comezou o deseño dunha versión de transporte supersónico do Caravelle, coñecido como o Super-Caravelle. Porén, o custo do proxecto era tan elevado que Sud Aviation, coa dirección dos gobernos francés e británico, formou un consorcio con BAC en novembro de 1962 para fusionar os seus esfordos de deseño e fabricación para crear o Concorde.
A compañía deseñou helicópteros que serían fabricados en grandes cantidades, como o Alouette II (o primeiro helicóptero de produción impulsado por unha turbina de gas), o Puma e o Gazelle. En 1967 un acordo entre os gobernos francés e británico organizou a produción conxunta e a adquisición do Puma e o Gazelle, xunto co británico Westland Lynx.[1][2]
Sud Aviation fusionouse con Nord Aviation and Société d'études et de réalisation d'engins balistiques (SÉREB) en 1970 para formar Aérospatiale. A nova compañía formou varios consorcios internacionais a grande escala, como o formado con British Aerospace e Messerschmitt-Bölkow-Blohm para crear Airbus, e finalmente fusionouse na compaía aeroespacial europea EADS no ano 2000. En xaneiro de 2014 EADS foi reorgazizada como o Airbus Group.
Produtos
[editar | editar a fonte]
Avións
[editar | editar a fonte]- Caravelle
- GY-80 Horizon
- Super-Caravelle
- Vautour
- Voltigeur
- Concorde (en asociación con British Aircraft Corporation)
Helicópteros
[editar | editar a fonte]- Alouette II
- Alouette III
- Super Frelon
- Puma
- Gazelle
- Lynx (en asociación con Westland Helicopters)
Notas
[editar | editar a fonte]- ↑ "Helicopters (Anglo-French Agreement)". Hansard. Consultado o 30 de outubro de 2018.
- ↑ "A Gyration of WG.13s". Flight International. Consultado o 30 de outubro de 2018.