Sociedade Deportiva e Cultural Galicia
Galicia de Mugardos | |||
---|---|---|---|
![]() | |||
Nome | Sociedade Deportiva e Cultural Galicia | ||
Fundación | 1953 | ||
Estadio | A Pedreira, Mugardos, Galicia | ||
Inauguración | 1972 | ||
Capacidade | 2.000[1] | ||
Presidente | ![]() | ||
Adestrador | ![]() | ||
Liga | Preferente | ||
2024/25 | 10º | ||
Patrocinador | Forestal del Atlántico | ||
Na rede | |||
http://www.galiciademugardos.gal/ | |||
![]() ![]() | |||
| |||
![](http://upload.wikimedia.org/wikipedia/commons/thumb/2/2b/Galicia_de_Mugardos_-_Racing_de_Ferrol_26.jpg/220px-Galicia_de_Mugardos_-_Racing_de_Ferrol_26.jpg)
A Sociedade Deportiva e Cultural Galicia, coñecida como Galicia de Mugardos, é un club de fútbol galego fundado en 1953 na parroquia de Meá, no concello de Mugardos. Actualmente compite no Grupo Norte da Preferente Galicia.
Historia
[editar | editar a fonte]Antes do Galicia
[editar | editar a fonte]O fútbol chegou a Mugardos a través dos traballadores que estaban empregados en Bazán, na construción naval, e que tiñan contacto con capataces ingleses. Na década de 1920 empezaron a organizarse en Mugardos equipos informais que ían xogar a Ares.
Antes da formación definitiva da Sociedade Deportiva e Cultural Galicia creáronse outros conxuntos, a maior parte efémeros.
- O Sporting Pedreira (1924), na parroquia de Meá, financiada pola emigración cubana. Este equipo mercou o primeiro balón de coiro.[2]
- O Príncipe dos Casás (segunda metade da década dos 20), no lugar dos Casás, na mesma parroquia de Meá.
- O Victoria de Mugardos (segunda metade da década dos 20)
- O Comercial, resultado en 1929 da fusión do Victoria e do Sporting, promovido pola hostalería mugardesa.
- O Ocaso (1929-1933), creado polo dono da funeraria homónima.
- O Estudiantil (1933), na Pedreira, promovido por Aurelio Maceiras
- O Fortuna (1933), na vila de Mugardos, promovido por José Alguacil.
- O Galicia Sociedade Deportiva (1934), produto da fusión do Fortuna e do Galicia SD, que xogaba no Campo do Novás.
Durante a guerra, estes equipos desaparecen, e volven formarse outros ao remate da contenda.
- O Victoria de Mugardos (ao redor de 1940)
- O Galicia da Pedreira (ao redor de 1940).
- A Unión Mugardesa (de 1942 a 1945), produto da fusión dos dous anteriores.
O Galicia de Meá
[editar | editar a fonte]En 1952 decídese crear un novo equipo que, para recoller a tradición dos conxuntos anteriores, nomea presidente de honra a Aurelio Maceiras, denomínase Galicia, e mantén as mesmas cores có Galicia de 1934, a verde e a branca. O primeiro presidente foi José Martínez Rojo "O Cheo" e inscríbese no Goberno Civil o 30 de maio de 1953. O primeiro partido oficial disputouno o 13 de decembro de 1953 contra o Espartero ferrolán.
Na actualidade ten ao redor de 500 socios.
Datos do club
[editar | editar a fonte]![](http://upload.wikimedia.org/wikipedia/commons/thumb/b/bb/Galicia_de_Mugardos_-_Racing_de_Ferrol_03.jpg/220px-Galicia_de_Mugardos_-_Racing_de_Ferrol_03.jpg)
Historial na liga
[editar | editar a fonte]
|
|
Cadro de presidentes
[editar | editar a fonte]![](http://upload.wikimedia.org/wikipedia/commons/thumb/e/e0/Galicia_de_Mugardos_-_Racing_de_Ferrol_27.jpg/220px-Galicia_de_Mugardos_-_Racing_de_Ferrol_27.jpg)
- 1953–1954: José Martínez Rojo
- 1954–1956: Antonio Martínez Doval
- 1956–1957: José Díaz Fernández
- 1957–1958: Antonio Martínez Doval
- 1958–1959: José Martínez Rojo
- 1959–1961: José Díaz Fernández
- 1961: Juan Prados Blanco (en funcións)
- 1961–1962: Alejandro Toimil Casal
- 1962–1964: Avelino Blanco
- 1964–1966: Juan Ameneiro Martínez
- 1966–1967: Arturo Iglesias Martínez
- 1967–1969: Antonio Vázquez Añón
- 1969–1974: Alfredo Díaz Bravo
- 1974–1975: José Martínez Rojo
- 1975: M. Vila Martínez (en funcións)
- 1975–1978: José Manuel López Martínez
- 1978: Julio Regueiro Rey (en funcións)
- 1978–1979: Alfredo Díaz Bravo
- 1979: Arturo Iglesias Martínez
- 1979–1980: Alfredo Díaz Bravo
- 1980–1985: José M. Varela Toimil
- 1985–1988: Agustín Martínez Silva
- 1988–1992: Alfredo Díaz Bravo
- 1992–1997: Antonio Martínez Romero
- 1997–2008: Xosé A. Bouza Rei
- 2008–2012: Domingo Martínez Garabana
- 2012–2015 : Javier García Dieste
- 2015-2022: Domingo Martínez Garabana
- 2022-... : Brath Miraz Casal
Palmarés
[editar | editar a fonte]- Copa Galicia (1): 1983/84
Notas
[editar | editar a fonte]- ↑ Datos do SDC Galicia de Mugardos Arquivado 27 de xaneiro de 2013 en Wayback Machine. (en castelán)
- ↑ Historia do Galicia de Mugardos Arquivado 20 de setembro de 2010 en Wayback Machine., Web do club