Screaming Females
Screaming Females | |
---|---|
![]() | |
Orixe | New Brunswick, Nova Jersey, ![]() |
Período | 2005 - presente |
Xénero(s) | punk rock, indie rock, rock alternativo |
Selo(s) discográfico(s) | Don Giovanni Records |
Membros | Marissa Paternoster Jarrett Dougherty King Mike |
Na rede | |
screamingfemales.com | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Screaming Females é unha banda estadounidense de punk rock procedente de New Brunswick, Nova Jersey e formada no ano 2005. Ata a data o grupo leva publicados oito álbums de estudio. Está formado pola guitarrista e vocalista Marissa Paternoster, o batería Jarrett Dougherty e o baixista King Mike.
Historia
[editar | editar a fonte]Mike e Marissa formaron unha banda no instituto chamada Surgery On TV.[1] Tras varios cambios na formación finalmente decidiron tocar como trío e cambiaron o nome a Screaming Females. O grupo iniciouse na escena de concertos en sotos de New Brunswick. Os concertos celebrábanse nas casas de varias bandas, estudantes e residentes, polo que podía asistir xente menor de 21 anos. A banda foi conseguindo éxito coa maior exposición, aparecendo na NPR,[2] no programa Last Call with Carson Daly e na MTV. Screaming Females tocou con bandas como Garbage,[3] Throwing Muses, Dinosaur Jr., The Dead Weather, Arctic Monkeys, Ted Leo & The Pharmacists, JEFF the Brotherhood, Little Lungs, Cheeky, The Ergs, Shellshag e The Measure.
Screaming Females autoeditou os álbums Baby Teeth en 2006 e What If Someone is Watching Their T.V.? en 2007. Despois, a banda fichou polo selo Don Giovanni Records, que posteriormente reeditaría eses dous primeiros traballos.
Don Giovanni Records
[editar | editar a fonte]O primeiro disco con Don Giovanni Records foi Power Move, lanzado en 2009, seguido por Castle Talk en 2010. O seu quinto álbum, Ugly, foi editado en 2012 e foi gravado por Steve Albini.[4] O disco recibiu recensións favorables de The A.V. Club, Chicago Tribune, Los Angeles Times, Pitchfork Media, Alternative Press e CMJ.[5]
No ano 2012 Marissa Paternoster foi situada no posto 77 dos mellores guitarristas de todos os tempos segundo a revista Spin.[6]
No seu quinto álbum de estudio, Ugly, Screaming Females colaborou co destacado produtor e enxeñeiro Steve Albini.[7] P disco tivo unha boa acollida entre a crítica, conseguindo recensións favorables en medios como The A.V. Club, Chicago Tribune, Los Angeles Times, Pitchfork Media, Alternative Press e CMJ.[8]
En febreiro de 2013 Screaming Females editou o EP autoproducido Chalk Tape para ser escoitado en liña. O EP tamén se vendeu en casete nunha edición limitada ademais de estar dispoñible como descarga dixital. Segundo a banda, Chalk Tape afástase do seu típico proceso de composición. Para escribir os seus temas o grupo escribiu os seus plans nun encerado con xiz e gravounas sen modificacións.[9]
No mes de setembro de 2013 Screaming Females saíu de xira cos seus compañeiros de selo Waxahatchee e Tenement.[10] A principios de 2014 a banda gravou un álbum ao vivo no Hideout de Chicago. O disco, titulado Live at the Hideout, foi gravado por Steve Albini e lanzado en abril dese mesmo ano.[11]
A finais de 2014 o grupo anunciou o sexto álbum, Rose Mountain. O disco foi producido por Matt Bayles e editouse o 24 de febreiro de 2015 a través de Don Giovanni Records.[12]
O seu sétimo traballo, All at Once, apareceu en febreiro de 2018,[13] e en 2019 a banda editou unha colección de sinxelos titulada Singles Too.[14]
O 17 de xaneiro de 2023 a banda publicou o sinxelo "Brass Bell", e anunciou o lanzamento do seu oitavo álbum, Desire Pathway. O disco editouse o día 17 de febreiro dese ano a través de Don Giovanni Records.[15]
Discografía
[editar | editar a fonte]Álbum | Ano | Selo |
---|---|---|
Baby Teeth | 2006 | autoeditado |
What if Someone is Watching Their T.V.? | 2007 | autoeditado |
Power Move | 2009 | Don Giovanni Records |
Castle Talk | 2010 | Don Giovanni Records |
Ugly | 2012 | Don Giovanni Records |
Rose Mountain | 2015 | Don Giovanni Records |
All at Once | 2018 | Don Giovanni Records |
Desire Pathway | 2023 | Don Giovanni Records |
Véxase tamén
[editar | editar a fonte]Ligazóns externas
[editar | editar a fonte]Notas
[editar | editar a fonte]- ↑ Maximun RockNRoll (ed.). "Blast From the Past: Screaming Females". Consultado o 26 de decembro de 2017.
- ↑ NPR (ed.). "Screaming Females: DIY In New Brunswick". Consultado o 26 de decembro de 2017.
- ↑ Spin (ed.). "Garbage and Screaming Females Cover Patti Smith’s ‘Because the Night’". Consultado o 26 de decembro de 2017.
- ↑ "Screaming Females Announce 'Ugly' LP, Are Not Going to Talk About Steve Albini". SPIN (en inglés). 2012-01-18. Consultado o 2023-02-18.
- ↑ "Ugly by Screaming Females" (en inglés). Consultado o 2023-02-18.
- ↑ Spin (ed.). "SPIN’s 100 Greatest Guitarists of All Time". Arquivado dende o orixinal o 23 de febreiro de 2018. Consultado o 26 de decembro de 2017.
- ↑ Spin (ed.). "Screaming Females Announce ‘Ugly’ LP, Are Not Going to Talk About Steve Albini". Consultado o 26 de decembro de 2017.
- ↑ Metacritic (ed.). "Ugly". Consultado o 26 de decembro de 2017.
- ↑ Screaming Females (ed.). "New EP and New Song!". Consultado o 26 de decembro de 2017.
- ↑ Pitchfork (ed.). "Waxahatchee to Tour With Screaming Females". Consultado o 26 de decembro de 2017.
- ↑ "Live at The Hideout, by Screaming Females". Screaming Females (en inglés). Consultado o 2023-02-18.
- ↑ Pitchfork (ed.). "Screaming Females Announce Rose Mountain, Share "Ripe"". Consultado o 26 de decembro de 2017.
- ↑ "All At Once – Don Giovanni Records". web.archive.org. 2018-06-12. Archived from the original on 12 de xuño de 2018. Consultado o 2023-02-18.
- ↑ "Screaming Females: Singles Too". Pitchfork (en inglés). Consultado o 2023-02-18.
- ↑ "Screaming Females Announce New Album Desire Pathway, Share New Song". Pitchfork (en inglés). 2023-01-17. Consultado o 2023-02-18.