Scopus (base de datos)
Scopus | |
---|---|
![]() | |
Tipo | base de datos en liña, revista eletrónica, abstract database e citation database |
Data de fundación | 15 de marzo de 2004 |
Na rede | |
https://www.scopus.com | |
![]() ![]() ![]() ![]() ![]() | |
[ editar datos en Wikidata ] |
Scopus é unha base de datos bibliográfica que contén resumos e citas de artigos de revistas académicas. Contén case 22.000 títulos dunhas 5.000 editoriais, das cales 20.000 son publicacións revisadas por pares dos campos científicos, técnicos, médicos e das ciencias sociais (incluíndo as artes e humanidades).[1] O seu propietario é Elsevier e está dispoñible en liña por subscrición. As procuras que se fan en Scopus incorporan tamén procuras en bases de datos de patentes.[2]
Dado que Elsevier é o propietario de Scopus e é tamén unha das principais editoriais internacionais de revistas científicas, estableceuse unha Selección de Contido de Scopus international e independente e unha Xunta de Asesores (Advisory Board) para impedir posibles conflitos de intereses na elección das revistas que deberían incluírse na base de datos e para manter unha política de cobertura transparente e aberta, independente das editoriais.[3] A xunta consta de científicos e bibliotecarios especializados.
Un estudo de 2006 que avaliaba a facilidade de uso e a cobertura de Scopus e da Web of Science (WOS), chegou á conclusión de que "Navegar por Scopus é doado, mesmo para o usuario novato. [...] A capacidade de buscar tanto cara adiante coma atrás a partir dunha determinada cita debería ser moi útil para o investigador. O aspecto multidisciplinario permite ao investigador facer facilmente procuras fóra da (sic) súa disciplina" e "Unha vantaxe de WOS sobre Scopus é a profundidade de cobertura, xa que a base de datos completa de WOS remóntase a 1945 e Scopus remóntase a 1966. Porén, Scopus e WOS compleméntanse entre si xa que ningunha procura o inclúe todo. [...]".[4]
Scopus tamén ofrece perfís do autor que inclúen afiliacións, número de publicacións e os seus datos bibliográficos, referencias, e detalles sobre o número de citas que tivo cada documento publicado. Ten características que dan avisos que permiten aos usuarios rexistrados rastrexar os cambios dun perfil e unha característica para calcular o índice h dos autores, que mide a produtividade e impacto das citas das publicacións dos autores.
Scopus pode ser integrado con ORCID.[5]
Notas
[editar | editar a fonte]- ↑ "Scopus Content Overview". Scopus Info. Elsevier. Consultado o 2013-09-04.
- ↑ Kulkarni, A. V.; Aziz, B.; Shams, I.; Busse, J. W. (2009). "Comparisons of Citations in Web of Science, Scopus, and Google Scholar for Articles Published in General Medical Journals". JAMA 302 (10): 1092–6. PMID 19738094. doi:10.1001/jama.2009.1307.
- ↑ "Scopus Content Overview: Content Policy and Selection". Scopus Info. Elsevier. Consultado o 2013-09-04.
- ↑ Burnham, JF (2006). "Scopus database: A review". Biomedical Digital Libraries 3: 1. PMC 1420322. PMID 16522216. doi:10.1186/1742-5581-3-1.
- ↑ "Scopus2Orcid". Scopus. Arquivado dende o orixinal o 24 de xullo de 2014. Consultado o 7 May 2014.