República de Altai

Para outras páxinas con títulos homónimos véxase: Altai.

República de Altai

Алтай Республика (alt)
Bandeira Brasón
Himno	National Anthem of the Altai Republic (en)
Localización
50°55′N 86°55′L
Estado	Rusia
Capital	Gorno-Altaisk (pt)
Poboación
Poboación	220.934 (2021) (2,38 hab./km²)
Lingua oficial	lingua rusa Lingua altai meridional
Xeografía
Parte de	Distrito Federal Siberiano (pt)
Superficie	92.903 km²
Comparte fronteira con	Krai de Altai Cazaquistão Oriental (pt) Bayan-Ölgiy (pt) Tuva Óblast de Kemerovo Khakassia Xinjiang
Datos históricos
Precedido por	Oyrot Autonomous Oblast (en) , Gorno-Altai Autonomous Oblast (en) e República Autónoma Socialista do Gorno-Altaisk (pt)
Creación	8 de febreiro de 1992
Organización política
• Xefe do goberno	Andrei Turchak (en)
Órgano lexislativo	State Assembly of the Altai Republic (en) ,
Identificador descritivo
Fuso horario	Horário de Omsk (pt) Horário de Krasnoiarsk (pt) UTC+07:00 Asia/Barnaul (en)
ISO 3166-2	RU-AL
Identificador OKTMO	84000000
Identificador OKATO	84
Páxina web	altai-republic.ru

A República de Altai (en ruso: Республика Алтай, en altai: Алтай Республика) é unha das vinte e unha repúblicas que constitúen a Federación Rusa. A súa capital é Gorno-Altaisk. Atópase na zona sur do país, e ten fronteiras internacionais con Mongolia, China e Casaquistán. Ten unha extensión de 92.600 km². Máis do 87% da súa poboación é de etnia rusa ou altai. Alberga os ríos Katún e Biya, así como o lago Teletskoie. A súa economía é maioritariamente agrícola, cun significativo sector turístico en desenvolvemento.

Historia

A República de Altai creouse o 1 de xuño de 1922 como o Óblast Autónomo de Oyrot (Ойротская автономная область), que conformaba o krai de Altai. O nome orixinal desta rexión foi Bazla. O 7 de xaneiro de 1948 pasou a chamarse Óblast Autónomo de Gorno-Altai (Горно-Алтайская автономная область). En 1991 reorganizouse como a República Socialista Soviética Autónoma de Gorno-Altai. En 1992 renomeouse República de Altai.

Xeografía

O seu territorio ocupa unha superficie de 92.600 km², polo que a súa extensión pode compararse coa de Portugal.

Limita ao norte co óblast de Kemerovo, ao nordeste coa República de Khakasia, ao leste coa república de Tuvá, ao sueste con Mongolia (provincia de Bayan-Olgiy), ao sur con China (rexión autónoma de Xinjiang), ao suroeste con Casaquistán (provincia de Shyghys Qazaqstan), e ao noroeste co krai de Altai.

Hidrografía

Os seus maiores ríos son o Katún e o Biya, que se orixinan ambos nas montañas e flúen cara ao norte. O seu conxunción crea o río Obi, o maior de Siberia, que desemboca no mar de Kara, que forma parte do océano Ártico. Na rexión atópase así mesmo o lago Teletskoie (Озеро Телецкое), incluído na lista do Patrimonio da Humanidade da Unesco desde 1998. O lago ten unha profundidade máxima de 325 m e é un dos vinte e cinco lagos máis profundos do mundo.

Demografía

A República de Altai está composta polas seguintes etnias: rusos 57 % (116 510), altais 30,6 % (62 192), casacos 5,97 % (12 108), telengits 1,18 % (2 386), tubalares 0,76 % (1 533), ucraínos 0,71 % (1 437).

Economía

A República de Altai é unha rexión altamente agrícola. Tamén alberga unha industria de produtos alimenticios, metalurxia non ferrosos, produtos químicos, extracción aurífera, calzado, produción leiteira e madeira. O turismo é un sector económico de crecente importancia, e apareceron varios novos hoteis e resorts destinados aos "novos rusos".

Divisións administrativas

Amencer no poboado de Tungur.

• Cidade estatal: Gorno-Altaisk (Горно-Алтайск)
• Distritos:
  • Chemalski (Чемальский), con 7 selsovets
  • Choyski (Чойский), con 7 selsovets
  • Kosh-Agachski (Кош-Агачский), con 12 selsovets
  • Mayminski (Майминский), con 7 selsovets
  • Ongudayski (Онгудайский), con 10 selsovets
  • Shebalinski (Шебалинский), con 11 selsovets
  • Turochakski (Турочакский), con 9 selsovets
  • Ulaganski (Улаганский), con 7 selsovets
  • Ust-Kansky (Усть-Канский), con 11 selsovets
  • Ust-Koksinsky (Усть-Коксинский), con 9 selsovets

Véxase tamén

Outros artigos

• Repúblicas de Rusia
• Krai de Altai

Ligazóns externas

• Páxina oficial da República de Altai (en inglés)
• Portal de Alti (en alemán)
• Turismo en Alti (en inglés)