Saltar ao contido

Raimundo António Bulhão Pato

Na Galipedia, a Wikipedia en galego.
Modelo:BiografíaBulhão Pato

Editar o valor en Wikidata
Biografía
Nacemento3 de marzo de 1828 Editar o valor en Wikidata
Bilbao, España Editar o valor en Wikidata
Morte24 de agosto de 1912 Editar o valor en Wikidata (84 anos)
Monte de Caparica, Portugal (pt) Traducir Editar o valor en Wikidata
País de nacionalidadePortugués
Actividade
Ocupaciónpoeta, ensaísta, memorialista Editar o valor en Wikidata
MovementoUltrarromantismo (pt) Traducir Editar o valor en Wikidata
BNE: XX1509992

Raimundo António de Bulhão Pato,[1] nado en Bilbao o 3 de marzo de 1828 e finado no Monte da Caparica o 24 de agosto de 1912 coñecido como Bulhão Pato, foi un poeta, ensaísta e memorialista portugués, membro da Real Academia das Ciencias de Lisboa.[2] As súas Memorias, escritas en ton íntimo e nostálxico, resultan interesantes polas informacións biográficas e históricas que achegan, retratando o ambiente intelectual portugués da última metade do século XIX.

Traxectoria

[editar | editar a fonte]

Fillo de Francisco de Bulhão Pato, poeta e fidalgo portugués, e da bilbaína María de la Piedad Brandy, o poeta naceu no País Vasco, e pasou os seus primeiros anos en Deusto. Foi a época dos dous primeiros cercos de Bilbao (en 1835 e 1836), durante a Primeira guerra carlista. En 1837, despois de pasar grandes inconvenientes, a súa familia decidiu retirarse a Portugal.

En 1845, o mozo Raimundo António matriculouse na Escola Politécnica, pero non rematou o curso.[3] Gañou a vida como oficial da Dirección Xeral de Comercio e Industria. Era afeccionado ás viaxes, a gastronomía e ás veladas literarias, en compañía de intelectuais como Alexandre Herculano, Almeida Garrett, Rebelo da Silva ou Gomes de Amorim. Xunto a outras figuras importantes da sociedade portuguesa da época, proporcionou receitas para a obra O cozinheiro dos cozinheiros, editada en 1870.[4]

Adheriuse á moda ultraromántica, engadindo elementos folclóricos e descricións de escenas e tipos populares, nunha linguaxe viva e coloquial. O poema narrativo Paquita, que foi reeditado sucesivamente entre 1866 e 1894 e que o fixo famoso, xa parece presaxiar un certo realismo, mentres que a súa poesía satírica reflicte certa preocupación social.[5]

En 1850, publicou o seu primeiro libro, Poesias de Raimundo António de Bulhão Pato ; en 1862 apareceu o segundo, Versos de Bulhão Pato, e, en 1866, o poema Paquita. Despois, en 1867, publicáronse Canções da Tarde; en 1870 as Flores agrestes; en 1871 as Paizagens, en prosa; en 1873 os Canticos e sátiras; en 1881 o Mercader de Veneza; en 1879 Hamlet, tradución ao portugués das traxedias de William Shakespeare e Ruy Blas de Victor Hugo. En 1881 seguiron outras publicacións: Satyras, Canções e Idyllios ; o Livro do Monte, en 1896.

Para teatro só escribiu unha comedia en un acto, Amorvirgin n'uma peccadora, posta en escena no Teatro D. María II en 1858 e publicada ese mesmo ano.

Colaborou con diferentes publicacións periódicas, a saber: xornal A Época [6] (1848-1849) fundado e dirixido por Andrade Corvo xunto con Rebelo da Silva ; Revista do Conservatório Real de Lisboa [7] (1902), Pamphletos (1858), Ilustração portuguesa (1884-1890)[8] A Semana de Lisboa [9] (1893-1895), Revista Peninsular, Gazeta Literária do Porto [10] (1868), Revista Universal Lisbonense [11], Branco e Negro [12] (1896-1898) e Brasil-Portugal [13], Tardes [14] (1901-1911), Ilustración Luso-Brasileira [15] (1856-1859) e na Revista Contemporânea de Portugal e Brasil [16] (1859-1865), Tiro civil [17] (1895-1903) entre outras.

Debido ao seu ultraromanticismo, influenciado por Lamartine e Byron, e ás súas habilidades culinarias, Bulhão Pato cría que serviu de inspiración a Eça de Queirós na composición do personaxe —un tanto caricatural— do poeta Tomás de Alencar, que aparece en Os Maias (1888).[18] Ao crerse retratado na novela —que Eça negou, nunha deliciosa carta ao xornalista Carlos Lobo d'Ávila —, Bulhão Pato parece estar furioso e, en resposta, escribiu as sátiras "O Grande Maia" (1888) e "Lázaro Cónsul" (1889).[19] [20] [21]

Obras

[editar | editar a fonte]
  • Poesias de Raimundo António de Bulhão Pato (1850)
  • Versos de Bulhão Pato (1862) (eBook)
  • Digressões e Novelas (1864)[22]
  • Paquita (1866)
  • A José Estevão (1866) (eBook)
  • Canções da Tarde (1867)
  • Flôres agrestes (1870)
  • Paizagens (1871)
  • Canticos e satyras (1873)
  • Sob os Ciprestes: Vida intima de homens illustres (1877)
  • Hamlet (tradución) (1879)
  • Mercador de Veneza (tradución) (1881)
  • Satyras (1896)
  • Canções e Idyllios (1896)
  • Livro do Monte (1896)
  • Memórias (1894-1907)

Notas

[editar | editar a fonte]
  1. ↑ "Raimundo António de Bulhão Pato - Portugal, Dicionário Histórico". www.arqnet.pt. Consultado o 2023-03-12. 
  2. ↑ Academia das Ciencias de Lisboa. Actas e pareceres. Classe de Sciencias Moraes, Politicos e Bellas Letras (Segunda Classe, 24 de outubro de 1912, p.2.
  3. ↑ Dados biográficos. Bulhão Pato. (Raimundo António de)
  4. ↑ "O Cozinheiro dos Cozinheiros" en ed. electrónica (portugués)
  5. ↑ "As Tormentas". www.astormentas.com. Consultado o 2023-03-12. 
  6. ↑ Helena Roldão (15 de setembro de 2017). "Ficha histórica:A Época: jornal de industria, sciencias, litteratura e bellas-artes (1848-1849)" (pdf). Consultado o 27 de Outubro de 2017. 
  7. ↑ Helena Roldão (7 de novembro de 2014). "Ficha histórica:Revista do Conservatório Real de Lisboa: publicação mensal ilustrada (1902)" (PDF). Consultado o 23 de julho de 2015. 
  8. ↑ Rita Correia (01-11-2012). "Ficha histórica: A illustração portugueza : semanario : revista litteraria e artistica (1884-1890)." (pdf). p. 4. Consultado o 22 de Abril de 2014. 
  9. ↑ Álvaro de Matos (29 de abril de 2010). "Ficha histórica: A semana de Lisboa : supplemento do Jornal do Commercio" (pdf). Consultado o 3 de maio de 2016. 
  10. ↑ Helena Roldão (19 de março de 2015). "Ficha histórica:Gazeta Literária do Porto (1868)" (PDF). Consultado o 5 de maio de 2015. 
  11. ↑ Rita Correia (30-11-2006). "Ficha histórica:Revista Universal Lisbonense.(1841-1853)" (pdf). Consultado o 15 de Setembro de 2014. 
  12. ↑ Rita Correia (1 de Fevereiro de 2012). "Ficha histórica: Branco e Negro : semanario illustrado (1896-1898)" (pdf). Consultado o 21 de Janeiro de 2015. 
  13. ↑ Rita Correia (29 de Abril de 2009). "Ficha histórica: Brasil-Portugal : revista quinzenal illustrada (1899-1914)." (pdf). Consultado o 26 de Junho de 2014. 
  14. ↑ Rita Correia (24 de Abril de 2012). "Ficha histórica: Serões, Revista Mensal Ilustrada (1901-1911)." (pdf). Consultado o 23 de Setembro de 2014. 
  15. ↑ Rita Correia (19 de Agosto de 2008). "Ficha histórica: A illustração luso-brazileira : jornal universal (1856;1858-1859)" (pdf). Consultado o 24 de Novembro de 2014. 
  16. ↑ Pedro Mesquita (6 de dezembro de 2013). "Ficha histórica:Revista Contemporânea de Portugal e Brasil (1859-1865)" (pdf). Consultado o 13 de Abril de 2014. 
  17. ↑ Rita Correia (3 de outubro de 2014). "Ficha histórica:O tiro civil : orgão da Associação dos Atiradores Civis Portuguezes (1895-1903)" (pdf). Consultado o 30 de novembro de 2014. 
  18. ↑ Bulhão Pato. en Infopédia. Porto: Porto Editora, 2003-2012.
  19. ↑ "Diário de Notícias". www.dn.pt (en portugués). Arquivado dende o orixinal o 25 de abril de 2020. Consultado o 2023-03-12. 
  20. ↑ Fidelizarte. "Raimundo António de Bulhão Pato". Portal da Literatura (en portugués). Consultado o 2023-03-12. 
  21. ↑ Os Maias - Críticas Arquivado 16 de abril de 2009 en Wayback Machine. citi.pt
  22. ↑ Textos en prosa da xuventude do autor editados en imprensa e aquí recollidos en libro. Reeditado en 2004 pola editora artemágica editores

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Raimundo_António_Bulhão_Pato&oldid=6634900»