Róber Bodegas

Non confundir con Roberto Bodegas.

Róber Bodegas

(2009)
Biografía
Nacemento	(es) Roberto Fernández Cancela 23 de xuño de 1982 (42 anos) Carballo, España
Educación	Universidade da Coruña - enxeñaría ambiental
Actividade
Ocupación	actor, humorista, monologist (en) , guionista, showman
Período de actividade	2002 -
Páxina web	roberbodegas.wordpress.com

Roberto Fernández, coñecido como Róber Bodegas, nado en Carballo o 23 de xuño de 1982, é un actor e guionista galego.

Traxectoria

Comezou a estudar Arquitectura na Universidade da Coruña, e despois do primeiro ciclo continuou a súa formación como interiorista. A comezos da década dos 2000 realizou distintas actuacións de monólogos humorísticos, e gañou o Certame de dramatización de monólogos cómicos no Festival Internacional Outono de Teatro (Carballo) en 2002. Tamén obtivo o premio da Bienal da caricatura de Ourense en 2004.

Fixo diversos cursos con Leo Bassi ou Jango Edwards, en 2005 montou o seu primeiro espectáculo, titulado Un día horrible, e é coautor de Gazapos, obra representada por Manicómicos. En 2007 presentouse ao proceso de selección para o programa de monólogos televisivos El Rey de la Comedia (TVE), competición na que se impuxo como vencedor da primeira edición. A raíz diso estreou o seu segundo espectáculo, Vamos a dejarnos de hostias (2007), e en 2008 o terceiro, El día en el que empecé a odiar los yogures y otras desgracias. En 2008 comeza a traballar como guionista e temporalmente como colaborador para o programa Sé lo que hicisteis..., de La Sexta.

Tamén ten intervido no Luar da Televisión de Galicia, en distintos anuncios publicitarios (entre eles unha campaña para Estrella Galicia) ou na emisora de radio Radio Voz. En 2008 estrea tamén unha comedia teatral, Contamos contigo, canda os actores Quico Cadaval, Cándido Pazó e Paula Carballeira.

Véxase tamén

Ligazóns externas

• Páxina web persoal Arquivado 01 de decembro de 2017 en Wayback Machine.
• Blog persoal
• Actuación en Luar