Río Azúmara
| Río Azúmara | |
|---|---|
 | |
| País |  Galicia |
| Nacemento | Montecubeiro |
| Lonxitude | 25 km |
| Conca | Río Miño |
| Caudal medio | 0,4 m³/s |
| Desembocadura | Río Miño |
O Azúmara é un pequeno río galego, da provincia de Lugo, afluente do Miño pola súa marxe esquerda.
Fontes
[editar | editar a fonte]O Azúmara nace na freguesía de Montecubeiro, a preto de 1000 m de altura, nos contrafortes dos montes Pradairo (1029 m) e Pena Grande (935 m), na serra do Mirador, no concello lucense de Castroverde.
Percorrido
[editar | editar a fonte]Dende o seu nacemento no concello de Castroverde intérnase logo no de Pol para, finalmente, atravesar o de Castro de Rei. Logo de 25 km de percorrido, verte as súas augas no Miño, na parroquia de Coea. O seu caudal medio absoluto é de 0,4 m³/s. A súa conca abrangue uns 200 km².
Afluentes
[editar | editar a fonte]Destacan pola dereita o río de Pol e o Torneiros.
Réxime hídrico
[editar | editar a fonte]O Azúmara é un río de réxime pluvial, de tipo oceánico, consonte unha precipitación media na súa conca de 1.122 mm anuais.
Galería de imaxes
[editar | editar a fonte]-
Río Azúmara ó seu paso por Castro de Rei
