Panxón, Nigrán
Panxón | |
---|---|
![]() San Xoán de Panxón, Templo Votivo do Mar. | |
Concello | Nigrán[1] |
Provincia | Pontevedra |
Coordenadas | 42°08′32″N 8°49′29″O / 42.14224564, -8.82483364Coordenadas: 42°08′32″N 8°49′29″O / 42.14224564, -8.82483364 |
Poboación | 3.853 hab. (2022) |
Entidades de poboación | 29[1] |
[ editar datos en Wikidata ] |
San Xoán de Panxón é unha parroquia do concello de Nigrán, pertencente á comarca do Val Miñor. Panxón é unha parroquia de tradición mariñeira, cun porto propio dependente da Xunta de Galicia. Segundo o IGE[2] en 2022 tiña 3.853 habitantes (1.896 homes e 1.957 mulleres).
Xeografía
[editar | editar a fonte]![](http://upload.wikimedia.org/wikipedia/commons/thumb/0/00/Monumento_%C3%A1_Mari%C3%B1a_Universal%2C_Salve_Regina_Marium%2C_Monteferro.jpg/220px-Monumento_%C3%A1_Mari%C3%B1a_Universal%2C_Salve_Regina_Marium%2C_Monteferro.jpg)
En Panxón rexístranse praias como as de Panxón, Madorra e Patos, así como pequenos areais nos acantilados de Monteferro.[3]
A praia de Panxón abrangue todo o antigo paseo marítimo dirección Monte Lourido en Praia América. Na zona comprendida entre o final do paseo marítimo e a desembocadura do río Muíños está a praia de Canido, nas desaparecidas Dunas de Gaifar. O seguinte tramo de praia dende o río até Monte Lourido sería Praia América. É un areal de cerca de 2,5 km de area fina, bordeado por tramos de paseo de madeira de formigón, que vai enlazar co paseo marítimo de Ramallosa, bordeando a costa por Monte Lourido. Outro dos areais que ten Panxón é o da Madorra, que se atopa en dirección a Praia de Patos, xusto no istmo da península de Monteferro. Por último, está a praia de Patos. Esta praia está moi frecuentada por afeccionados e seguidores do mundo do surf, grazas ás súas ondas provocadas pola súa orientación cara mar aberto.
Eclesiasticamente, pertence ao arcipretado de Miñor.[4]
Economía
[editar | editar a fonte]Actualmente a súa vida está fortemente marcada pola actividade hostaleira ó redor do turismo. A pesca de baixura, restaurantes e inmobiliarias son os principais negocios que nel se asentan.
Patrimonio
[editar | editar a fonte]![](http://upload.wikimedia.org/wikipedia/commons/thumb/3/31/Mosaico_romano_de_Panx%C3%B3n.jpg/220px-Mosaico_romano_de_Panx%C3%B3n.jpg)
Entre o seu patrimonio arquitectónico destaca o Arco visigótico de Panxón e o camposanto visigótico. Xusto ao lado érguese o Templo Votivo do Mar ambos situados moi preto do núcleo de poboación. Este último é ademais a igrexa da parroquia de San Xoán e foi proxectado polo arquitecto Antonio Palacios Ramilo.
No Monteferro érguese un monumento á mariña universal, inaugurado en 1924 por Miguel Primo de Rivera, ten unha gran figura da Virxe do Carme e o neno Xesús sobre a inscrición "SALVE REGINA MARIUM" e tres grandes placas de mármore.
Nunha glorieta no centro de Panxón está situada a áncora do petroleiro noruegués Polycommander, que afundiu fronte ás Illas Cíes o 5 de maio de 1970. O barco, que tiña só cinco anos de servizo, estaba baixo o mando do capitán Alf. Strom-Olsen.
O escritor galego Carlos Casares escribiu sobre Monteferro o seguinte texto:
"Nigrán é mais que o seu mar e as súas praias. Incluso se pode dicir que o mar e as praias necesitan dos montes e os outeiros para seren contemplados en todo o seu esplendor. Eso sábeno ben as persoas que se teñen aventurado a ir cara o interior ou as que simplemente ascenden ata as alturas amables de Monteferro, desde onde se pode gozar de vistas grandiosas, cadros divinos pintados por Deus para disfrute de todos"
Natureza e deporte
[editar | editar a fonte]![](http://upload.wikimedia.org/wikipedia/commons/thumb/c/c1/Panx%C3%B3n%2C_Nigr%C3%A1n._Galiza.jpg/220px-Panx%C3%B3n%2C_Nigr%C3%A1n._Galiza.jpg)
En Panxón están as praias de Panxón, da Madorra, de Patos e das Canas (ou do Caranquexo). Ademais hai pequenas calas con area, especialmente entre as rochas de Monteferro, onde hai unha zona forestal en mancomún, que ten o interese de se atopar á beira do mar; e en fronte atópanse as Estelas, dúas pequenas illas moi preto da costa.
A actividade deportiva en Panxón está moi ligada ao mar, no club náutico é posíbel aprender windsurf, vela e outras modalidades de deportes mariños. O submarinismo patícase ao longo da súa costa, principalmente en Monteferro, pero tamén entre as rochas diante da praia de Patos. Nesta mesma praia pódese ver ao longo de todo o ano, pero especialmente no inverno, incluso o día de aninovo, a moita xente nova practicando o surf enriba das fortes ondas que a mollan. Ademais en Panxón está o pavillón polideportivo de Nigrán, onde se pode practicar fútbol sala, baloncesto, voleibol etc.
Galería de imaxes
[editar | editar a fonte]Lugares e parroquias
[editar | editar a fonte]Lugares de Panxón
[editar | editar a fonte]Lugares da parroquia de Panxón no concello de Nigrán (Pontevedra) | |
---|---|
A Area Alta | A Barcalleira | A Bouza Vella | A Calzada | A Carballesa | O Carballo da Palma | O Carregal | As Dunas | O Formigón | Gaifar | A Madorra | O Mallón | Monteferro | Paraviñaval | Patos | A Porqueira | Portocelo | A Praia | O Quinteiro | A Rabadeira | O Rial | O Río do Forno | San Xoán | Sancho | O Seixo | A Touza | O Tripeiro | A Veiga da Arca | Xermaña |
Parroquias de Nigrán
[editar | editar a fonte]Notas
[editar | editar a fonte]- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ "Instituto Galego de Estatística, consulta do nomenclátor". Xunta de Galicia. Arquivado dende o orixinal o 20 de febreiro de 2023. Consultado o 24 de febreiro de 2023.
- ↑ Monteferro.org
- ↑ "MIÑOR archivos". DIOCESE TUI-VIGO (en castelán). Consultado o 2023-09-13.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Panxón, Nigrán |