Ourantes, Punxín

Ourantes
Igrexa de San Xoán de Ourantes.
Concello	Punxín
Provincia	Ourense
Coordenadas	42°21′08″N 8°01′26″O
Poboación	113 hab. (2013)
Entidades de poboación	6
[ editar datos en Wikidata ]

San Xoán de Ourantes é unha parroquia pertencente ao concello de Punxín, na comarca do Carballiño. En 2013, segundo o IGE, tiña 113 habitantes (57 homes e 56 mulleres), distribuídos en 6 entidades de poboación, o que supón unha diminución en relación ao ano 1999 cando tiña 142 habitantes.

O topónimo Ourantes é un hidrónimo de orixe prerromana, da raíz *awer- co significado de 'mollar, humedecer, fluír'. Outros autores defende que é un orónimo a partir da raíz preindoeuropea *or-r/ur-r "outeiro, algura, monte ou val entre montes".

Patrimonio

O castro de San Cibrao de Las é un poboado castrexo de grandes dimensións, coñecido como A Cidade. Estivo habitado desde o século II a.C. ata o século II d.C., e con posibles ocupacións esporádicas máis tardías.

A igrexa de San Xoán de Ourantes é un templo de orixe románica, moi modificado no século XVIII, principalmente no seu muro norte onde se lle adosou unha esvelta torre campanil barroca.

Galería de imaxes

• 
  A igrexa románica de Ourantes podería datarse entre os séculos XII e XIII.
• 
  Cruz románica antefixa, nimbada e con Cristo, sobre Agnus Dei, no cumio da ábsida.
• 
  Porta lateral da igrexa de San Xoán de Ourantes
• 
  Detalle da porta lateral románica da igrexa parroquial.
• 
  Canzorro en Ourantes, lector. Está no muro sur da ábsida, sostendo o aleiro.
• 
  Canzorro en Ourantes, músico, tamén no muro sur da ábsida.

Lugares e parroquias

Lugares de Ourantes

Lugares da parroquia de Ourantes no concello ourensán de Punxín
A Eirexa | Ourantes | Rubiás | San Tomé | Ventosela | Vilar

Véxase tamén

Outros artigos

• Lugares de Punxín