Odilo Bravo
| Biografía | |
|---|---|
| Nacemento | 1 de setembro de 1916  O Carballiño, España |
| Morte | 16 de febreiro de 2004 (87 anos) Málaga, España |
| Actividade | |
| Ocupación | futbolista |
| Deporte | fútbol |
Odilio Bravo González, nado no Carballiño o 1 de setembro de 1916 e finado en Málaga o 16 de febreiro de 2004, foi un futbolista e adestrador de fútbol galego.[1]
Traxectoria
[editar | editar a fonte]Aínda que naceu no Carballiño, viviu en Vigo dende pequeno. Na cidade viguesa comezou xogando ao fútbol no Peña Colón e no Rápido de Bouzas, e máis tarde xogou en equipos cataláns como o Vilafranca ou o Gràcia.[2] Colgou as botas no ano 1951 e ese mesmo ano realizou o curso de adestradores na escola de preparadores de Barcelona. Na cidade condal adestrou ao Universitario de Barcelona, o equipo da Universidade de Barcelona. Regresou a Vigo a mediados de xullo de 1952, debutando como adestrador do Celta de Vigo na pretempada por América de 1952.
Porén, dimitiu despois de 20 xornadas a causa dos malos resultados. Foi substituído por Armando, que á súa vez foino por Luis Urquiri, salvándose o equipo do descenso na liga de descenso grazas á renuncia do España Industrial a ascender a Primeira División.
Notas
[editar | editar a fonte]- ↑ Berto V. T. (6 de novembro de 2013). "Odilo Bravo". Yo entrené al Celta (en castelán).
- ↑ "Odilo Bravo se siente optimista". El Pueblo Gallego (en castelán) (9550). 15 de xullo de 1952. p. 4. Consultado o 2 de xaneiro de 2022.
