Obaysch
Obaysch, nado arredor de 1849 e finado o 11 de marzo de 1878, foi o primeiro hipopótamo visto en Gran Bretaña dende tempos prehistóricos, e o primeiro en Europa dende a Antiga Roma.
Vida
[editar | editar a fonte]Obaysch foi capturado nunha illa no Nilo Branco cando tiña menos dun ano. O seu nome deriva do nome da illa.[1]
O vicerrei otomán de Exipto, Abbas Paxá, estivo de acordo co cónsul xeral británico, Charles Murray (máis tarde coñecido como "Hippopotamus Murray") para intercambiar a Obaysch e algúns outros animais exóticos por algúns galgos ingleses e deerhounds. Obaysch foi enviado en barco polo Nilo ao Cairo, acompañado por un rabaño de vacas para proporcionarlle leite. Foi enviado por P&O nun barco de vapor a Southampton, e chegou ao Zoolóxico de Londres o 25 de maio de 1850. Foi unha sensación instantánea en Londres, atraendo até 10 000 visitantes cada día, e xerando un comercio de lembranzas de hipopótamos e mesmo unha Polca do hipopótamo (por L. St. Mars[2]). O número de visitantes ao zoolóxico en 1850 foi o dobre que o ano anterior.[3]
Abbas Paxá enviou un segundo hipopótamo a Londres, unha femia chamada Adhela que chegou o 22 de xullo de 1854.
Unha vez, Obaysch escapou do cativerio no zoolóxico de Londres e, segundo a lenda, utilizouse un coidador como cebo para atraelo ao seu recinto.[1]
Descendencia
[editar | editar a fonte]Despois dunha espera de máis de 16 anos, a parella finalmente tivo descendencia en 1871, pero a cría morreu dous días despois. Unha segunda cría tamén morreu ao ano seguinte, pero a terceira, nada o 5 de novembro de 1872, sobreviviu. Era unha femia que foi chamada Guy Fawkes. Adhela sobreviviu a Obaysch durante 4 anos, morrendo o 16 de decembro de 1882. Guy Fawkes morreu o 20 de marzo de 1908.[4]
Notas
[editar | editar a fonte]- ↑ 1,0 1,1 Simons, John (2019). Obaysch: a hippopotamus in Victorian London. Sydney: Sydney University Press. ISBN 9781743325865. OCLC 1052585465.
- ↑ St. Mars, L. (n.d.). "The Hippopotamus Polka". Levy Music Collection.
- ↑ "Famous Animals at the Zoological Society of London". Arquivado dende o orixinal o 07-11-2008. Consultado o 28-07-2006.
- ↑ "Obaysch". Arquivado dende o orixinal o 26-07-2011. Consultado o 16-12-2008.
Véxase tamén
[editar | editar a fonte]Bibliografía
[editar | editar a fonte]- Root, N.J. (febreiro de 1993). "Victorian England's Hippomania". Natural History 102 (2). ISSN 0028-0712.
- "Traveller from Egypt" (PDF). Bulletins (The Association for the Study of Travel in Egypt and the Near East) (21): 21. 2004. Arquivado dende o orixinal (PDF) o 26 de febreiro de 2021. Consultado o 17 de outubro de 2021.
