Nowhere é o álbum de estrea da banda británica de shoegazingRide, publicado o día 15 de outubro de 1990 a través do selo Creation Records. Allmusic citou ao disco como un dos mellores álbums do xénero shoegazing, superado só polo traballo de My Bloody ValentineLoveless[1]. Nowhere foi colocado no posto 74 da lista de Pitchfork Media dos 100 mellores álbums dos 90[2], e o seu último tema, "Vapour Trail", foi elixido o número 145 na lista das 200 mellores cancións, tamén de Pitchfork[3]. O álbum tamén está incluído no libro 1001 álbums que debes escoitar antes de morrer. En outubro de 2016 Pitchfork situouno no número 3 da súa lista dos 50 mellores álbums de shoegaze de todos os tempos.[4]
O álbum foi lanzado nos Estados Unidos en decembro de 1990 polo selo Sire Records, contando coas cancións extra "Taste", "Here and Now" e "Nowhere", que xa apareceran no EP Fall. Unha reedición do ano 2001 de Ignition Records engadiu ademais as catro cancións do E Today Forever como cancións extra. En febreiro do 2011, Rhino Handmade publicou unha edición especial polo 20 aniversario de Nowhere, que contiña o álbum orixinal remasterizado con sete temas extra e un disco máis cunha actuación ao vivo non editada anteriormente en The Roxy, Os Ánxeles, gravada o 10 de abril de 1991. Esta edición incluía ademais un libreto de 40 páxinas con fotografías exclusivas e un novo ensaio do crítico musical Jim DeRogatis, así como un digipak lenticular.
