Mirmecofáxidos
Mirmecofáxidos Myrmecophagidae Rango fósil: mioceno - actualidade | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
![]() Oso formigueiro xigante (Myrmecophaga tridactyla) | |||||||||||||||||||
Clasificación científica | |||||||||||||||||||
| |||||||||||||||||||
Xéneros | |||||||||||||||||||
A dos mirmecofáxidos (Myrmecophagidae) é unha familia de mamíferos placentarios da orde dos pilosos. Comprende dous xéneros con tres especies de osos formigueiros,[1] o oso formigueiro xigante, Myrmecophaga tridactyla e as dúas tamanduás (do xéneroo Tamandua).[2]
Características
[editar | editar a fonte]Os osos formigueiros teñen un corpo robusto e alongado, máis ou menos comprimido polos costados e cuberto por unha densa pelaxe. A súa lonxitude, sen contar a cola, oscila entre os 60 cm dos tamanduás até os 120 cm do oso formigueiro xigante. Teñen as patas ben desenvolvidas, pés plantígrados con robustas garras falciformes,[3] e unha cola longa, prénsil nos tamanduás, que son de vida arborícola. O fociño é moi longo, tubular e recurvado cara a abaixo, sobre todo no oso formigueiro xigante, cunha abertura bucal moi reducida e estreita. As orellas son pequenas e arredondadas.[4]
Carecen de dentes. A cavidade bucal está ocupada por unha lingua vermiforme, que pode alcanzar 1 m de lonxitude, cun diámetro de 10 ou 15 mm.[4] A lingua desempeña un papel esencial na alimentación dos osos formigueiros; está dotada dunha poderosa musculatura que se insire na apófise xifoide do esterno, á evaxinábel, pegañenta, estando adaptada para capturar formigas e térmites, que son a base do seu alimento. As glándulas salivares están moi desenvolvidas. Teñen un excelente olfacto, pero os sentidos da vista e do oído están pouco desenvolvidos.
Comportamento
[editar | editar a fonte]Nos seus desprazamentos apoian principalmente o lado externo das mans, provistas de grandes almofadas, coas garras dirixidas cara a dentro. En actitude defensiva póñense en posición semierecta, coas patas anteriores levantadas dispostas para golpearen coas súas gadoupas, manténdose apoiados coas patas posteriores e a cola que, nas especies arborícolas (tamanduás), permanece aferrada a unha rama. Incluso un xaguar evita loitar cun oso formigueiro xigante, que é un adversario temíbel.[4]
Son mirmecófagos;[5] as garras úsanas para desenterraren as formigas e romperen os termiteiros, e despois capturan unha gran cantidade de presas coas súas longas linguas pegañentas.
Hábitat e distribución
[editar | editar a fonte]Viven principalmente nas selvas densas tropicais, pero ás veces encóntranse nas sabanas, en xeral en parellas ou solitarios.[4]
Encóntranse en América Central e do Sur, desde o sur de Belize e Guatemala até o norte da Arxentina.[6]
Taxonomía
[editar | editar a fonte]Descrición
[editar | editar a fonte]A familia dos mirmecofáxios describiuna en 1825 o naturalista inglés John Edward Gray, en Ann. Philos., n.s., 10: 343.[7]
![](http://upload.wikimedia.org/wikipedia/commons/thumb/5/5d/Ameisenbaer_Tamandua_Panama.gif/200px-Ameisenbaer_Tamandua_Panama.gif)
![](http://upload.wikimedia.org/wikipedia/commons/thumb/4/47/Parque_Zool%C3%B3gico_de_S%C3%A3o_Paulo_-_Sao_Paulo_Zoo_-_Tamandu%C3%A1_Mirim_-_Southern_Tamandua.jpg/200px-Parque_Zool%C3%B3gico_de_S%C3%A3o_Paulo_-_Sao_Paulo_Zoo_-_Tamandu%C3%A1_Mirim_-_Southern_Tamandua.jpg)
Etimoloxía
[editar | editar a fonte]O nome científico Myrmecophagidae está formado sobre a raíz do xénero tipo da familia, Myrmecophaga, coa desinencia -idae, propia dos nomes das familias de animais.
En canto ao nome deste xénero tipo, que foi descrito por Linneo en 1758, formouse co primeiro elemento do latín científico Myrmeco-, tirado do grego antigo μύρμηξ ηκος mýrmēx -ēkos, "formiga", e o segundo elemento -phaga, do grego φάγος phágos, "comellón". Literalmente: "os comedores de formigas".
Clasificación
[editar | editar a fonte]Familia Myrmecophagidae Gray, 1825
- Xénero Myrmecophaga Linnaeus, 1758
- Myrmecophaga tridactyla Linnaeus, 1758
- Xénero Tamandua Gray, 1825
- Tamandua mexicana Saussure, 1860
- Tamandua tetradactyla (Linnaeus), 1758
Notas
[editar | editar a fonte]- ↑ Oso formigueiro na Dicopedia do Século 21.
- ↑ Tamadúa no Diccionario normativo galego-castelán de Galaxia. A acentuación do Normativo de Galaxia é incorrecta; probabelmente é un castelanismo antigo; hoxe en castelán é a correcta tamanduá.
- ↑ En forma de fouce.
- ↑ 4,0 4,1 4,2 4,3 VV. AA. (1968): Enciclopedia Salvat de las ciencias. Tomo 6. Animales vertebrados. Pamplona: Salvat, S. A. de Ediciones, pp. 80-83.
- ↑ Comedores de formigas.
- ↑ "Myrmecophaga tridactyla (giant anteater)". Animal Diversity Web. Consultado o 14-01-2016.
- ↑ Myrmecophagidae en MSW.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Mirmecofáxidos ![]() |
![]() |
Wikispecies posúe unha páxina sobre: Mirmecofáxidos |
Bibliografía
[editar | editar a fonte]- McKenna, Malcolm C. & Bell, Susan K. (1997): Classification of Mammals Above the Species Level. Nova York: Columbia University Press. ISBN 978-0-231-11013-8.
- Nowak, Ronald M. (1999): Walker's Mammals of the World. 6ª ed. Baltimore, Maryland, EE. UU.: The Johns Hopkins University Press. ISBN 978-0-8018-5789-8.
- Wilson, D. E. & Reeder, D. M., eds. (2005): Mammal Species of the World: A Taxonomic and Geographic Reference 3rd ed. Baltimore, Maryland, USA: The Johns Hopkins University Press. ISBN 978-0-8018-8221-0.
Outros artigos
[editar | editar a fonte]Ligazóns externas
[editar | editar a fonte]- Myrmecophagidae Gray, 1825 Arquivado 03 de marzo de 2016 en Wayback Machine. en Fossilworks.
- Myrmecophagidae na ADW. Con abundante información, imaxes e bibliografía (en inglés).
- Myrmecophagidae na EOL.