Membrana nictitante
A membrana nictitante ou terceira pálpebra, é unha estrutura propia de certos animais.
Trátase dunha fina lámina, unha dobra da conxuntiva, que se encontra en moitos animais e que actúa como unha pálpebra accesoria que ten por obxecto protexer e limpar o globo ocular por debaixo das pálpebras principais.
Localízase por regra xeral nunha posición medio-ventral. É retráctil e pódese estender no sentido horizontal e cubrir a córnea, non bloqueando enteiramente a visión, xa que é translúcida nalgúns animais.
Nas aves, a membrana nictitante pecha por un só lado, e é case transparente. As pálpebras propiamente ditas non se pechan durante o pestanexo, pero o fan para durmir.
Normalmente non é visíbel nun animal san, pero pode cubrir medio ollo se o animal está enfermo (virus, diarrea, febre, vermes).
Ademais das aves, tamén posúen membranas nictitantes os réptiles, os anfibios e certos peixes, especialmente os tiburóns).[1]
Nos mamíferos ten unha forma en T. No ser humano materialízase na prega semilunar da conxuntiva, unha protuberancia de cor rosa no canto interno medial dos ollos.
Etimoloxía
[editar | editar a fonte]Nictitante vén do latín nictĭtans, -antis, participio presente activo do verbo nictitāre, frecuentativo de nictāre, "pestanexar", "chiscar o ollo".[2]
Notas
[editar | editar a fonte]- ↑ Membrana nioctitante en IctioTerm. Glosario de términos biológicos Arquivado 21 de setembro de 2015 en Wayback Machine. (en castelán) Consultada o 12/11/2012.
- ↑ "nictitante Dicionario da [[RAE]].". Arquivado dende o orixinal o 04 de novembro de 2015. Consultado o 12 de novembro de 2012.
Véxase tamén
[editar | editar a fonte]Bibliografía
[editar | editar a fonte]- Owen, R. (1866–1868): Comparative Anatomy and Physiology of Vertebrates. Londres.
- Tista Olmos, Ciriaco Membrana nictitante, tercer párpado y brillo Universidad Nacional Autónoma de México. Facultad de Medicina Veterinaria y Zootecnia (FMVZ). (en castelán) Consultada o 12/11/2012.
