Martin Buber

Martin Buber
	; (década de 1940)
Biografía
Nacemento	8 de febreiro de 1878 ; Viena (Imperio Austrohúngaro)
Morte	13 de xuño de 1965 (87 anos); Xerusalén
Lugar de sepultura	Monte dos Descansos (pt)
Ideoloxía política	Anarquismo e Humanismo
Educación	Universidade de Viena ; Universidade de Zürich ; Universidade Humboldt de Berlín ; Universidade de Leipzig
Actividade
Campo de traballo	Ontoloxía, xudaísmo, filosofía, literatura, tradución e sistema educativo
Lugar de traballo	Xerusalén
Ocupación	filósofo, tradutor da Biblia, profesor universitario, educador, sionista (pt) , teólogo, crítico literario, pedagogo, escritor, existencialista (pt) , tradutor, libretista
Período de tempo	Filosofía contemporánea
Empregador	Die Welt (Herzl) (pt) , editor colaborador (1901–1902) ; Universidade Hebrea de Xerusalén ; Universidade de Frankfurt
Membro de	Academia das Artes e das Ciencias dos Estados Unidos (1961–); Academia Israelí de Ciencias e Humanidades ; Der Kraal (en) ; Academia Bávara de Belas Artes ; Brit Shalom (en)
Movemento	Filosofía occidental
Influencias	Salomon Buber (en) , Immanuel Kant, Søren Kierkegaard, Friedrich Nietzsche, Baal Shem Tov e Otto Weininger
Obra
	Obras destacables Q1216062 ; (1923) I and Thou (en) ; (1983) A Land of Two Peoples (en) ;
Arquivos en	Biblioteca Nacional de Israel (pt) ARC. Ms. Var. 350; Arquivos da Escola Politécnica Federal de Zúric [ CH-001807-7:Hs 725] ;
Familia
Cónxuxe	Paula Buber (1907–1958)
Fillos	Rafael Buber
Parentes	Salomon Buber, avó; Nelly Braude-Buber, irmá consanguínea
Premios
	(1964) Honorary doctor of the Heidelberg University (en) ; (1963) Premio Erasmus; (1962) honorary doctor of the University of Münster (en) ; (1961) Premio Bialik; (1958) Prêmio Israel (pt) ; (1958) Placa Goethe da Cidade de Frankfurt am Main (pt) ; (1958) doutor honoris causa pola Universidade de París; (27 de setembro de 1953) Premio da Paz do Comercio Libreiro Alemán; (1953) Doutor honoris causa pola Universidade Hebrea de Xerusalén; honorary citizen of Jerusalem (en) ;
	Sinatura
Descrito pola fonte	Grande Enciclopedia Soviética 1969-1978, (sec:Бубер Мартин); Shorter Jewish Encyclopedia (en) , (sec:Бубер Мартин); Encyclopaedia Hebraica (en) , (sec:בּוּבֶּר, מָרְדְּכַי מַרְטִין)

Martin Buber, nado en Viena en 1878 e finado en Xerusalén en 1965, foi un filósofo e escritor xudeu.

Traxectoria

Pasou boa parte da infancia co seu avó, un erudito na tradición e literatura xudía, en Lviv (Ucraína), tras unha crise relixiosa comezou a ler a Kant e Nietzsche. En 1896 marchou a estudar a Viena e en 1898 uniuse ao movemento sionista. En 1902 converteuse no editor do semanario Die Welt, o órgano oficial do sionismo e a partir de 1903 comezou a interesarse polo hasidismo. O ano seguinte, Buber deixou o traballo na organización sionista para se dedicar a estudar e escribir.

En 1906 publicou Die Geschichten des Rabbi Nachman, unha colección dos contos do rabino hasidí Nachman de Breslau, pero interpretados e reescritos para unha especie de neohasidismo. En 1908 publicou Die Legende des Baalschem, historias Baal Shem Tov, o fundador do hasidismo.

Entre 1910 e 1914 Buber estudou mitos e publicou edicións de textos míticos. Durante a primeira guerra mundial axudou a establecer a Comisión Nacional Xudía para mellorar as condicións dos xudeus de Europa oriental, e foi o editor da revista Der Jude ata 1924. En 1922 Buber e Franz Rosenzweig abriron a Freies Jüdisches Lehrhaus.

En 1923 escribiu a súa obra máis coñecida Ich und Du (Eu e máis ti), e en 1925 con Rosenzweig comezou a traducir a Biblia hebrea ao alemán.

En 1930 Buber converteuse en profesor honorario da Universidade de Frankfurt, pero á chegada dos nazis ao poder prohibíronlle dar leccións nela. En resposta á prohibición para os xudeus de acudir á educación pública fundou a Oficina central para a educación dos xudeus adultos.

En 1938 deixou Alemaña e asentouse en Xerusalén, onde entrou na Universidade Hebrea de Xerusalén e participou na discusión dos problemas dos xudeus en Palestina e na cuestión árabe. Militou no grupo moderado Ichud, que reclamaba un estado binacional para árabes e xudeus en Palestina.

En 1963 foi galardoado co Premio Erasmus.^[1]

Notas

↑ Fundación Praemium Erasmianum (ed.). "Former Laureates - Praemium Erasmianum". Arquivado dende o orixinal o 03 de maio de 2019. Consultado o 9 de novembro de 2015.

[EP-prev-1] Fundación Praemium Erasmianum (ed.). "Former Laureates - Praemium Erasmianum". Arquivado dende o orixinal o 03 de maio de 2019. Consultado o 9 de novembro de 2015.

[1]