María Amada Dopazo López
| Biografía | |
|---|---|
| Nacemento | 1914  A Praia (Bueu) |
| Morte | 1994 (79/80 anos) O Ramal dos Galos (Bueu) |
| Outros nomes | María a Xuliana |
| Actividade | |
| Ocupación | Poxadora de peixe |
| Período de actividade | 1940 ca. - 1980 ca. |
| Familia | |
| Cónxuxe | Solteira |
| Pais | Manuel Dopazo Martínez e Concepción López Conde |
| Premios | |
| IV Homenaxe Bueuesa Senlleira | |
María Amada Dopazo López, coñecida como María a Xuliana, nada en San Martiño de Bueu en 1914 e finada no mesmo lugar en 1994, foi poxadora de peixe do concello de Bueu desde a década de 1940 até 1986.
Traxectoria
[editar | editar a fonte]Naceu no lugar da Praia, na parroquia de San Martiño de Bueu en 1914, quinta filla da tamén poxadora Concepción López Conde e de Manuel Dopazo Martínez. Continuou co legado instaurado pola súa avoa Xuliana Conde González na década de 1860.
Aínda que o seu proxecto laboral de inicio foi a costura, para o que comezou estudos coas costureiras do lugar, a mediados da década de 1940 a nai comezou a solicitar a súa axuda revisando as contas. Deste modo, deixou o labor de costureira e colaborou co negocio familiar vendendo e poxando o peixe. Continuou con este oficio até mediados da década de 1980, cando lle pasou a testemuña á súa sobriña Luísa Agulla Dopazo.
De nova, namorou dun rapaz con ideas progresistas e de esquerdas, mais como o pai non llo quixo como mozo, decidiu non casar. Tivo unha única filla en 1947, con 33 anos, permanecendo solteira toda a vida.
Morreu en novembro de 1994 no Ramal dos Galos aos oitenta anos de idade.
Premios e recoñecementos
[editar | editar a fonte]En 2021, a Asociación Club Golfiños-Bueu rendeulle a IV Homenaxe Bueuesa Senlleira xunto coas súas descendentes. Ademais, dedicóuselle o número 3 do fanzine Aña[1] en marzo dese mesmo ano. E en agosto saíu publicada unha pequena recensión na revista A Trabe de Ouro.
Notas
[editar | editar a fonte]- ↑ Club Golfiños, Bueu (2021). "María Amada Dopazo López (1914-1994)". Aña. Fanzine de (des)identidades femininas de Bueu (3): 10–11.