Manu Lago
| Biografía | |
|---|---|
| Nacemento | 9 de xaneiro de 1976  Vigo, España |
| Morte | 16 de decembro de 2018 (42 anos) Santiago de Compostela, España |
| Causa da morte | cancro |
| Outros nomes | Manu Malabaranda |
| Educación | Universidade de Santiago de Compostela |
| Actividade | |
| Ocupación | artista de circo |
Manuel Lago García, coñecido tamén como Manu Malabaranda, nado en Vigo o 9 de xaneiro de 1976 e finado en Santiago de Compostela o 16 de decembro de 2018[1], foi un actor de circo e malabarista galego.
Traxectoria
[editar | editar a fonte]Comezou a actuar como pallaso e malabarista en espectáculos na rúa en Galicia, coincidindo coa súa formación universitaria (cursou estudos de bioloxía), a finais dos anos noventa e principios do século XXI. En 2003 marchou a estudar circo ao Reino Unido, onde se licenciou en 2006 pola Universidade de Kent[2].
Foi un dos membros fundadores de Pistacatro, un colectivo heteroxéneo de artistas de circo, pallasos e malabaristas que se creou en Santiago de Compostela no ano 2006. A súa carreira profesional estivo vinculada ás obras e producións de Pistacatro desde ese momento.
Notas
[editar | editar a fonte]- ↑ erregueté (2018-12-16). "Morre Manu Lago García, referente do circo galego". Erregueté. Consultado o 2019-01-31.
- ↑ "Currículo Manu Lago" (PDF). Pistacatro. Arquivado dende o orixinal (PDF) o 01/02/2019. Consultado o 31/1/2019.