Krai
Un Krai (en ruso: край, a miúdo traducido como "rexión" ou "territorio" ) é un termo usado para referirse a varias das 83 rexións administrativas de Rusia. O seu plural en ruso é края, kraia.
A palabra krai (que tamén significa fronteira ou final), utilízase sobre todo para rexións situadas na periferia económica e xeográfica. Nos idiomas romances usouse a palabra "marca" (e equivalentes) co mesmo significado durante séculos.
Os krais, óblasts e repúblicas teñen o mesmo status constitucional en Rusia. Algúns dos krais rusos son maiores que moitos países de Europa.
Un krai divídese en distritos (en ruso: районы, pronunciado: raioni).
Exemplos de krais son o krai de Krasnodar, o krai de Khabarovsk ou o krai de Stávropol.
Véxase tamén
[editar | editar a fonte] |
A Galipedia ten un portal sobre: Rusia |