Juan Baena

Juan Baena
Biografía
Nacemento	18 de maio de 1950 ; Ceuta, España
Morte	28 de setembro de 2012 (62 anos); Alacant, España
Datos persoais
País de nacionalidade	España
Actividade
Ocupación	futbolista
Período de actividade	1975 - 1988
Lingua	Lingua castelá
Deporte	fútbol
Posición de xogo	Centrocampista
Traxectoria

Juan Baena Ruiz, nado en Ceuta o 18 de maio de 1950 e finado en Alacant o 28 de setembro de 2012, foi un futbolista español. Integrante histórico do Hércules, é o futbolista con máis partidos oficiais disputados co club, un total de 362 en 12 tempadas. Comezou xogando de dianteiro, ata que o seu adestrador no equipo alacantino, Arsenio Iglesias, atrasou a súa posición ata a defensa.

Traxectoria

Formouse como futbolista na canteira do Betis, pasando polo seu filial, o Triana, antes de subir ao primeiro equipo na tempada 1969/70. Debutou na Segunda División o 8 de decembro de 1969, nun partido contra o Bilbao Athletic. Na seguinte tempada, con Antonio Barrios como adestrador, o Betis logrou o ascenso, pero Baena saíu cedido ao Logroñés, tamén de Segunda.^[1]

Na tempada seguinte volveu saír cedido, desta vez ao Hércules, que estaba adestrado por Ignacio Eizaguirre. Debutou co equipo alacantino nun encontro de Segunda fronte ao Pontevedra, facendo o gol do empate (1-1).^[2] Marcou outros 8 goles ata o final da tempada, acabando o Hércules en postos de promoción de permanencia. O equipo xogou entón unha eliminatoria fronte ao Cartagena a ida e volta, marcando Baena un gol en cada un dos encontros e contribuíndo dese xeito á salvación.

O seu bo rendemento fixo que ao remate da cesión, a directiva do club alacantino o fichase en propiedade. Continuou xogando de dianteiro co adestrador Jenő Kalmár, pero trala chegada ao banco de Arsenio Iglesias, este decidiu atrasar a súa posición, primeiro ao centro do campo e logo ata a defensa.^[3] Con Arsenio como técnico o Hércules ascendeu a Primeira e obtivo os mellores resultados da súa historia, obtendo un quinto e un sexto posto na liga. A estrea de Baena na máxima categoría produciuse o 7 de setembro de 1974, nun encontro ante o Murcia, mentres que o seu primeiro gol chegou un mes e medio despois fronte ao Málaga.

Militou no Hércules ata a súa retirada en 1983, sumando 362 partidos oficiais e 57 goles, sendo o futbolista con máis partidos da historia do club.^[3] Trala súa retirada dedicouse á Medicina e foi médico do Hércules durante 7 anos.^[3] Faleceu o 28 de setembro de 2012, ao non poder superar unha operación cirúrxica cerebral á que foi sometido.^[4]

Notas

↑ "Baena Ruiz, Juan". alicantepedia.com (en castelán). Consultado o 5 de marzo de 2022.
↑ "1-1: Otra vez puntuó fuera el Pontevedra". La Voz de Galicia (en castelán). 23 de novembro de 1971. p. 24.
↑ ^3,0 ^3,1 ^3,2 "Fallece Juan Baena, un histórico en la historia del Hércules". Marca (en castelán). 28 de setembro de 2012. Consultado o 5 de marzo de 2022.
↑ "Fallece Juan Baena, el futbolista que más partidos jugó con el Hércules". El Mundo (en castelán). 28 de setembro de 2012. Consultado o 5 de marzo de 2022.

Véxase tamén

Ligazóns externas

Datos do xogador en BDFutbol (en castelán)

[1] "Baena Ruiz, Juan". alicantepedia.com (en castelán). Consultado o 5 de marzo de 2022.

[2] "1-1: Otra vez puntuó fuera el Pontevedra". La Voz de Galicia (en castelán). 23 de novembro de 1971. p. 24.

[:0-3] 3,0 ^3,1 ^3,2 "Fallece Juan Baena, un histórico en la historia del Hércules". Marca (en castelán). 28 de setembro de 2012. Consultado o 5 de marzo de 2022.

[4] "Fallece Juan Baena, el futbolista que más partidos jugó con el Hércules". El Mundo (en castelán). 28 de setembro de 2012. Consultado o 5 de marzo de 2022.

[1]

[2]

[3]

[4]