Ferrollo
![](http://upload.wikimedia.org/wikipedia/commons/thumb/1/1b/Bolt_lock.jpg/200px-Bolt_lock.jpg)
![](http://upload.wikimedia.org/wikipedia/commons/thumb/c/c9/Door_Bolt_on_CTA_1-50_Series_30.jpg/200px-Door_Bolt_on_CTA_1-50_Series_30.jpg)
Un ferrollo[1] ou pasador[2] é unha barra cilíndrica de ferro que se emprega para pechar e axustar unha porta ou unha fiestra con marco, ou as contras das portas e das ventás.
Orixe histórica
[editar | editar a fonte]"Penélope subiu pola alta escaleira que levaba até o seu apousento e asiu con man firme a chave de bronce de suave curvatura e mango de marfil... Desatou a correa do anel, meteu a chave na pechadura e correu o ferrollo con decisión.
O modelo máis sinxelo de pasador, contemporáneo na China e Grecia, e que aínda hoxe se emprega, consistía nunha fendedura na porta para introducir por ela un carabullo curvo que eleva o ferrollo, así, metendo a súa punta polo burato a porta abríase ó correlo ou erguelo. Este arcaico sistema de seguridade foise perfeccionando engadíndolle ó ferrollo pancas de madeira, que o pechar se introducían en buratos.
Nos xacementos arqueolóxicos romanos é común atopar pasadores e chaves de ferro, aínda que a maioría deberon ser de madeira. A finais do século -I aparecen pechaduras máis complexas, con chaves e ferrollos metálicos nos que a chave levantaba as pancas e corría así o ferrollo. O seguinte paso na inventiva da seguridade foi un resorte de ferro que empurraba as pancas nos buratos manténdoas a presión dentro deles. Deste xeito, o ferrollo deu paso á pechadura.[3]
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para ferrollo.
- ↑ Definicións no Dicionario da Real Academia Galega e no Portal das Palabras para pasador.
- ↑ VV.AA.: Los setenta grandes inventos y descubrimientos del mundo antiguo. Art Blume, S.L. 2005. pp. 88-90. ISBN 978-84-9801-064-0