Evaristo de Sela
Biografía | |
---|---|
Nacemento | 2 de marzo de 1917 ![]() Sela, España ![]() |
Morte | 28 de xuño de 1994 ![]() Vigo, España ![]() |
Datos persoais | |
País de nacionalidade | España ![]() |
Actividade | |
Ocupación | tradutor , profesor de ensino secundario ![]() |
Lingua | Lingua castelá ![]() |
![]() |
Evaristo González Fernández, coñecido como Evaristo de Sela, nado na Graxa (Sela, Arbo) o 2 de marzo de 1917 e finado en Vigo o 28 de xuño de 1994, foi un catedrático de grego, poeta e tradutor galego.
Traxectoria
[editar | editar a fonte]De pai reloxeiro e nai labrega, foi o cuarto e derradeiro fillo do matrimonio. Aos doce anos conseguiu unha bolsa para estudar no Seminario de Tui onde estivo catro anos. Despois pasou dous anos cos Xesuítas de Marquain (Tournai, Bélxica) e antes de facer os votos dubidou e regresou á súa aldea en 1935. Ao ano seguinte alistouse como voluntario no Rexemento de Artillaría Lixeira nº 15 de Pontevedra. Logo do golpe de Estado do 18 de xullo de 1936 e espantado pola represión dos franquistas, desertou xunto co soldado Manuel Rincón Álvarez e o cabo Manuel Quinteiro Segade. Colleron un tren, baixaron nas Neves e atravesaron o río Miño. Foron capturados pola policía portuguesa e entregado á Garda Civil en Salvaterra de Miño. Xulgados por deserción en consello de guerra o 19 de setembro de 1936,[1] Evaristo e Manuel Rincón foron condenados a cadea perpetua e Manuel Quinteiro, considerado o indutor, a pena de morte.[2] Estivo preso en Caldas de Reis e na Illa de San Simón. Ingresou na prisión do Forte de San Cristovo de Pamplona o 11 de outubro de 1937, de onde saíu en prisión atenuada o 1 de xuño de 1941. Despois enviárono ao Campo de concentración de Miranda de Ebro e de alí pasou ao Batallón Disciplinario de Soldados Traballadores número 91 en Fuerteventura, de onde saíu en liberdade condicional o 23 de xullo de 1942.[3] Autodidacta, licenciouse en Filosofía e Letras pola Universidade de Santiago de Compostela. Foi profesor no ensino medio.[4] Finou en Vigo o 28 de xuño de 1994.[5]
Tradución
[editar | editar a fonte]É autor das tradución ao galego dende a lingua orixinal dos clásicos a Ilíada e a Odisea,[6] editadas polo Consello da Cultura Galega en 1990 e distribuídas pola Editorial Galaxia como parte da colección "Clásicos Greco-Latinos".[7]
Tamén verteu obras de autores contemporáneos como Kavafis, Giorgos Seferis ou Odiseas Elytis (Poesía Neohelénica, 1708-1977. Xunta de Galicia, 2001).
Obra poética
[editar | editar a fonte]- Amar (Vigo, 1945)
- Versos de preso e outras rimas (Ediciós do Castro, 2007 - publicación póstuma)
Notas
[editar | editar a fonte]- ↑ El Pueblo Gallego, 20-9-1936, p. 7.
- ↑ El Diario de Pontevedra, 21-9-1936, p. 2.
- ↑ Cabe sinalar que xusto tras a morte de Francisco Franco, Sela escribiu unha catártica execratio contra el: «Asesino de auroras, / frío Herodes de España / sanguinario profeta», como sinala o académico Alonso Montero.
- ↑ Homenaxe a Evaristo de Sela Arquivado 13 de novembro de 2016 en Wayback Machine., no blog da editorial Galaxia o 28 de novembro de 2011.
- ↑ La Voz de Galicia, 30-6-1994, p. 64
- ↑ Crónica da homenaxe a Evaristo de Sela
- ↑ Evaristo de Sela ou Homero en galego, vinte anos após a súa morte Arquivado 13 de novembro de 2016 en Wayback Machine., SermosGaliza o 28 de xuño de 2014.
Véxase tamén
[editar | editar a fonte]Bibliografía
[editar | editar a fonte]- Dicionario biográfico de Galicia. Ir Indo Edicións. 2010-2011.
- Alonso Montero, Xesús (2006). Os escritores galegos ante a guerra civil española. Galaxia. ISBN 978-84-8288-979-5.
- Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0.
- Abilleira Sanmartín, Xosé e González Balbuena, Stella Maris (coord.) (2019). Homenaxe a Evaristo de Sela (1917-1994). Estudos e lembranzas sobre a vida e a obra do helenista e poeta. Xerais.
Ligazóns externas
[editar | editar a fonte]- Evaristo de Sela, un helenista singular (2/3/2017), Real Academia Galega.
- Alonso Montero, Xesús (4/9/2002). "Evaristo de Sela: paixón polo grego", La Voz de Galicia.
- Evaristo de Sela, o home que invitou Homero á súa aldea, Nós Diario, 2/4/2020.
- Ficha en Los presos del penal de Ezcaba
- Evaristo de Sela na base de datos do proxecto Nomes e voces.