David Regades

David Regades
Biografía
Nacemento	1973 (50/51 anos); Vigo, España
Deputado no Congreso dos Deputados
	2023 – abril de 2024 (dimisión) – Paula Fernández Pena →
Actividade
Ocupación	político

David Regades Fernández, nado en Vigo en 1973, é un político galego do PSdG-PSOE.

Traxectoria

É técnico especialista da rama Administrativa e Comercial na especialidade de Contabilidade e técnico en prevención de riscos laborais. Membro das XSG. Tralas eleccións municipais de 2007 foi o xefe de gabinete de Abel Caballero como alcalde de Vigo. Tralas municipais de 2011 foi elixido concelleiro e pasou a encargarse das áreas de Fomento (anteriormente Vías e Obras) e Contratación no goberno de Caballero. Seguiu á fronte de ditas áreas tralas municipais de 2015, pasando a ser tamén deputado na Deputación de Pontevedra, onde os socialistas lograron por primeira vez a presidencia e pasou a encargarse da área de Asistencia a Municipios.

Foi elixido Secretario Provincial do PSdeG na Provincia de Pontevedra tras vencer nas primarias de decembro de 2017 ao redondelán Eduardo Reguera, sendo ratificado no correspondente Congreso. Foi nomeado Delegado do Estado no Consorcio da Zona Franca de Vigo o 6 de xullo de 2018 polo goberno de Pedro Sánchez^[1]^[2], renunciando aos seus cargos no Concello e na Deputación. Dende a Zona Franca fixo diversas xestións para a dinamización económica non só de Vigo senón de municipios de toda a provincia de Pontevedra. Compaxinou este cargo coa Secretaría Provincial dos socialistas, á fronte da cal o partido gañou as eleccións xerais, municipais e europeas de 2019, quedando ademais a poucos votos de logra-la maioría absoluta na Deputación de Pontevedra. No Congreso de febreiro de 2022 revalidou a Secretaría Provincial do partido. En xuño de 2023 abandonou a Zona Franca para encabeza-la candidatura do PSdeG-PSOE pola provincia de Pontevedra ó Congreso dos Deputados nas Eleccións Xerais de 2023, sendo elixido deputado. En abril de 2024 volveu ser designado presidente da Zona Franca de Vigo.

Notas

↑ "Real Decreto 837/2018, de 6 de julio, por el que se nombra Delegado Especial del Estado en el Consorcio de la Zona Franca de Vigo a don David Regades Fernández" BOE de 7/7/2018 (en castelán).
↑ Consorcio da Zona Franca de Vigo Organización. Comité.

Véxase tamén

Outros artigos

Lista de deputados galegos no Congreso desde a Transición

Ligazóns externas

David Regades Fernández na páxina web do PSdG-PSOE.

Predecesor:
Santos Héctor Rodríguez

Sectretario Provincial do PSdeG-PSOE da Provincia de Pontevedra
2017 - actualidade

Sucesor:
no cargo

[1] "Real Decreto 837/2018, de 6 de julio, por el que se nombra Delegado Especial del Estado en el Consorcio de la Zona Franca de Vigo a don David Regades Fernández" BOE de 7/7/2018 (en castelán).

[2] Consorcio da Zona Franca de Vigo Organización. Comité.

[1]

[2]