Danny Boyle

Danny Boyle
	;
Biografía
Nacemento	20 de outubro de 1956 (68 anos); Radcliffe, Reino Unido (en)
Educación	Bangor University (en) ; Thornleigh Salesian College (en) ; Cardinal Newman Catholic High School (en)
Actividade
Ocupación	director de cinema, produtor de televisión, diretor artístico (pt) , produtor de cinema, guionista, realizador
Período de actividade	1980 -
Obra
	Obras destacables (2008) Slumdog Millionaire ;
Premios
	(2009) Óscar ó mellor director, premiado polo traballo Slumdog Millionaire; (2009) European Film Award – People's Choice Award for Best European Film (en) , premiado polo traballo Slumdog Millionaire; (2008) Dallas-Fort Worth Film Critics Association Award for Best Director (en) , premiado polo traballo Slumdog Millionaire; BAFTA á mellor dirección; National Board of Review Award ao mellor filme; Critics' Circle Award for Distinguished Service to the Arts (en) ; premios do Sindicato de Directores ;
Descrito pola fonte	Obálky knih,

Danny Boyle, nado o 20 de outubro de 1956 en Radcliffe (Inglaterra), é un director e produtor de cinema inglés, coñecido por filmes como Trainspotting, 28 Days Later, Sunshine e Slumdog Millionaire, polo cal foi galardoado co Oscar ó Mellor Director.

Traxectoria

Persoal

Boyle naceu en Radcliffe (Lancashire), no seo dunha familia católica irlandesa de clase media. A súa nai nacera en Ballinasloe, Condado de Galway, e o seu pai en Inglaterra, pero de ascendencia inglesa. Durante un tempo, Boyle considerou seriamente seguir a súa vocación relixiosa e pasou a súa adolescencia nunha escola relixiosa. Posteriormente, estudará no Thornleigh Salesian College de Bolton, e na Universidade de Gales, Bangor. Durante a súa estadía universitaria, Boyle saíu coa actriz Frances Barber.

Comeza a súa carreira no teatro, primeiro coa Joint Stock Theatre Company e despois co Royal Court Theatre, onde foi director artístico dende 1982 até 1985 e director entre 1985 e 1987. As súas producións durante este período inclúen Victory, de Howard Barker, The Genius, de Howard Brenton e Saved, de Edward Bond. Boyle tamén dirixirá cinco producións para a Royal Shakespeare Company.

No 1980, Boyle comezará a traballar para a televisión como produtor da BBC de Irlanda do Norte, onde produciu, entre outros telefilmes, o controvertido filme de Alan Clarke Elephant antes de se converter en director en programas como Arise And Go Now, Not Even God Is Wise Enough, For The Greater Good, Scout e dous capítulos de Inspector Morse ("Masónica Mysteries" e "Cherub and Seraphim"). Tamén foi o responsable da exitosa serie da BBC2 Mr. Wroe's Virgins.

Profesional

Boyle comezará o seu debut como director de cinema con Shallow Grave, aclamada inmediatamente polo público e pola crítica. O seu seguinte filme foi Trainspotting, baseada na novela de Irvine Welsh. Ademais de ser un éxito no portelo, este filme é considerado un dos máis influentes e significativos da década dos noventa no Reino Unido.

Grazas ó seu traballo na aclamada Trainspotting co guionista John Hodge, o produtor Andrew Macdonald e o actor Ewan McGregor, Boyle puido da-lo chimpo a Hollywood. Declinou unha oferta para dirixir o cuarto filme da saga Alien , para dirixir A Life Less Ordinary, filme producido con capital británico.

O seguinte proxecto de Boyle será unha adaptación da novela de culto The Beach. Posteriormente colaborará co escritor Alex Garland no apocalíptico filme de terror 28 Days Later.

Entre os filmes The Beach e 28 Days Later, Boyle dirixirá dous telefilmes para a BBC no ano 2001: Vacuuming Completely Nude In Paradise e Strumpet. Tamén dirixirá unha curtametraxe, Alien Love Triangle (protagonizada por Kenneth Branagh), e participa no proxecto de tres curtas que formarían un filme. Este proxecto foi cancelado cando as dúas outras curtas se converteron en filmes independentes Mimic, protagonizada por Mira Sorvino e Impostor, con Gary Sinise.

No 2004, Boyle dirixirá Millions, con guión de Frank Cottrell Boyce . Sunshine Sunshine, filme de ciencia fición protagonizada por Cillian Murphy (28 Days Later), foi estreada no ano 2007. Ese mesmo ano estreouse a continuación de 28 Days Later,28 Weeks Later , producida por Boyle.

Frases

Referíndose a un cura que o convencía para desistir da súa vocación relixiosa: "Non sei se me quería salvar a min ou ó clero."
"Unha vez tiveches todo, como un gran éxito no negocio do cine, é moi doado perderse. Rodea todo de xente intentando facerte convencer que fagas cousas, suxeríndote e ofrecéndoche negocios. A presión que implica decidir que farás a continuación é terrible. "

Filmografía

Yesterday (2019)
Battle of the Sexes (2017; como produtor)
T2 Trainspotting (2017)
Steve Jobs (2015)
Trance (2013)
127 Hours (2010)
Slumdog Millionaire (2008) (gañador do Globo de Ouro e Óscar por mellor director e mellor filme)
David Alan Grier's Chocolate News (2008)
28 Weeks Later (2007) (produtor executivo)
Sunshine (2007)
Millions (2004)
28 Days Later (2002)
Alien love triangle (2002)
Vacuuming Completely Nude in Paradise (2001) (TV)
Strumpet (2001) (TV)
The Beach (2000/I)
A Life Less Ordinary (1997)
Trainspotting (1996)
Shallow Grave (1994)
Screenplay (1er episodio, 1993)
Mr. Wroe's Virgins (1993) (mini) TV mini-serie
Inspector Morse (2 episodios, 1990-1992)
- Cherubim and Seraphim (1992) TV episodio
- Masonic Mysteries (1990) TV episodio
For the Greater Good (1991) (TV)
The Nightwatch (1989) (TV)
The Hen House (1989) (TV)
Monkeys (1989) (TV)
The Venus de Milo Instead (1987) (TV)
Scout (1987) (TV)

Premios

Premios Óscar

Ano	Categoría	Filme	Resultado
2008	Mellor director	Slumdog Millionaire	Gañador
2010	Mellor filme	127 Hours	Candidato
2010	Mellor guión adaptado	127 Hours	Candidato
1996	Mellor guión adaptado	Trainspotting	Candidato

Premios Globos de Ouro

Ano	Categoría	Filme	Resultado
2008	Mellor director	Slumdog Millionaire	Gañador

Premios BAFTA

Ano	Categoría	Filme	Resultado
2008	Mellor director	Slumdog Millionaire	Gañador

Véxase tamén

Ligazóns externas

Ficha na IMDb (en inglés)
Interview with Danny Boyle - Zombies, smack addicts and Starbucks (en inglés)
EyeForFilm interview with Danny Boyle on Sunshine, sequels and a Pratchett project (en inglés)
Danny Boyle Interview, Sunshine (2007) (en inglés)
Danny Boyle - Entrevista en DeCine21 (en castelán)