Concepción Pazo Álvarez
| Biografía | |
|---|---|
| Nacemento | 30 de novembro de 1907  A Estrada, España |
| Morte | 5 de xullo de 1994 (86 anos) Santiago de Compostela, España |
| Actividade | |
| Ocupación | mestra |
| Familia | |
| Cónxuxe | Celestino López López |
| Irmáns | Eduardo Pazo Álvarez |
María de la Concepción Pazo Álvarez, nada na Estrada o 30 de novembro de 1907 e finada en Santiago de Compostela o 5 de xullo de 1994, foi unha mestra galega.
Traxectoria
[editar | editar a fonte]Filla da mestra Emilia Alvarez Silva e de Pelayo Pazo Alvarez. Estudou maxisterio e foi nomeada mestra interina de Carbia en xaneiro de 1935,[1] renunciando ao posto,[2] e despois de Coucieiro (Val do Dubra).[3] No franquismo foi agregada de inspección en Santiago de Compostela ata que en 1946 decidiu reunirse co seu home exiliado en México. Arribou a Cidade de México o 5 de xaneiro de 1947.[4] Traballou como mestra de primaria no Colegio Madrid. Logo da morte do seu home en 1963, retornou a Galicia en 1971. Reintegrouse ao maxisterio en 1973 sendo destinada a Forcarei e posteriormente foi mestra no Colexio Rosalía de Castro do Grove, onde se xubilou en 1977.[5] Finou en Santiago de Compostela o 5 de xullo de 1994.[6]
Vida persoal
[editar | editar a fonte]Casou na Estrada con Celestino López López en 1935.[7]
Notas
[editar | editar a fonte]- ↑ El Pueblo Gallego, 17-1-1935, p. 11.
- ↑ El Noticiero Gallego, 25-1-1935, p. 2.
- ↑ El Correo Gallego, 21-7-1935, p. 1.
- ↑ Ficha en Departamento de Migración. Secretaría de Gobernación de México
- ↑ El Pueblo Gallego, 4-12-1977, p. 17.
- ↑ Necrolóxica en La Voz de Galicia6-7-1994, p. 76.
- ↑ El Pueblo Gallego, 11-9-1935, p. 4.
Véxase tamén
[editar | editar a fonte]Bibliografía
[editar | editar a fonte]- Pazos Pazos, María Luisa (2001). "El Colegio Madrid: dos gallegos y su integración entre los exiliados de México, Concepción Álvarez y Celestino López" (PDF). Actas do Congreso Internacional "O exilio galego". Santiago de Compostela: Consellería de Cultura, Comunicación Social e Turismo. pp. 1560–1567. ISBN 84-96530-29-9.
- Pazos Pazos, María Luisa (2008). "Mujeres exiliadas en México: Gallegas de Tabeirós e Terra de Montes" (PDF). SEMATA, Ciencias Sociais e Humanidades 20: 267–278.