Conan o destrutor

Conan o destrutor
Ficha técnica
Título orixinal	Conan the Destroyer
Director	Richard Fleischer
Produtor	Raffaella De Laurentiis
Guión	Stanley Mann
Baseado en	Personaxes de Robert E. Howard
Intérpretes	Arnold Schwarzenegger Grace Jones Wilt Chamberlain Tracey Walter Sarah Douglas Mako Iwamatsu Olivia d'Abo
Música	Basil Poledouris
Fotografía	Jack Cardiff
Montaxe	Frank J. Urioste
Estudio	Dino De Laurentiis Company
Distribuidora	Universal Studios
Estrea	29 de xuño de 1984 10 de maio de 2008 (TVG)
Duración	103 minutos
Orixe	Estados Unidos
Xénero	Fantástico
Orzamento	$18 000 000 (estimado)
Recadación	$100 042 035
Filme anterior	Conan o bárbaro
Na rede

Conan o destrutor (en inglés: Conan the Destroyer) é un filme de xénero fantástico dirixido por Richard Fleischer e protagonizado por Arnold Schwarzenegger que se estreou en 1984. É a continuación do filme Conan o bárbaro. Estreouse en galego na TVG o 10 de maio de 2008.

Sinopse

A poderosa Raíña Taramis promete a Conan facer volver á súa amada do reino da morte, pero imponlle unha condición: debe traerlle un lendario corno incrustado de pedras preciosas e unha fermosa princesa. Pero Conan non sabe cales son as verdadeiras intencións de Taramis. A raíña quere empregar o corno para espertar ó dormente deus Dagoth e sacrificarlle á xove princesa. Enfrontado con inimigos mortais e sobrenaturais, Conan debe convocar ás forzas do Ben para derrotar a Taramis e mesmo ó deus Dagoth.

Personaxes

Actor	Papel	Descrición	Armas
Arnold Schwarzenegger	Conan	Un guerreiro que chora a morte da súa amada Valeria do primeiro filme e ó que se lle promete a resurrección desta a cambio de conseguir dous obxectos máxicos.	Espada Atlantean, machada de batalla e dagas.
Grace Jones	Zula	Unha asaltante que é rescatada por Conan e que se une ó seu grupo. Acabará substituíndo a Bombatta como capitán da garda.	Lanza.
Wilt Chamberlain	Bombatta	Capitán da garda de Shadizar, é enviado pola raíña para comprobar a evolución da misión de Conan e máis tarde traizoarao. Morre a mans de Conan cando este interfire na resurrección de Dagoth.	Maza, machada, espada e bolas.
Olivia D'Abo	Jehnna	É unha virxinal princesa cuxo destino é obter o corno máxico que resucitará ó deus Dagoth. Debido a unha profecía é a única persoa capaz de conseguir o corno.	Non leva.
Mako Iwamatsu	Akiro	Un mago amigo de Conan que narraba tanto o filme anterior coma este. Acepta ser o feiticeiro xefe de Shadizar.	Maxia.
Tracey Walter	Malak	Un ladrón que acompaña a Conan.	Dagas.
Pat Roach	Toth-Amon	O feiticeiro propietario da xema.	Maxia.
Sarah Douglas	Raíña Taramis	A malvada raíña de Shadizar que quere resucitar a Dagoth, o deus dormente, do cal ela é unha seguidora. Tamén é a tía de Jehnna.	Dagas.
Jeff Corey	Gran Visir	Feiticeiro persoal da raíña.	Maxia e dagas.
Sven-Ole Thorsen	Togra	Gardián da raíña que trata de secuestrar a Jehnna antes de morrer a mans de Conan.	Espada.
André Roussimoff	Dagoth, o deus dormente.	Malvado deus que traerá a escuridade ó mundo se é resucitado.	Corno, superforza e manipulación da luz.

Véxase tamén

Ligazóns externas

• Ficha na IMDb (en inglés)
• Rotten Tomatoes (en inglés)
• Ficha en Filmaffinity (en castelán)