Banxo

Banjo.

O banjo ou banxo é un instrumento musical de corda, de orixe africana, que ten de catro a seis cordas afinadas de formas diversas, aínda que o máis común ten cinco, unha delas máis curta. O banjo está afinado da seguinte maneira: Sol-Do-Sol-Si-Re. A versión de seis cordas afínase e tócase de forma semellante a unha guitarra. O corpo do banjo moderno é de metal, cunha membrana plástica onde se seguran as cordas e cun mastro similar ao dunha guitarra.

As primeiras formas do instrumento xurdiron dentro da poboación africana dos Estados Unidos de América, como adaptacións de instrumentos africanos de deseño semellante. O banjo adoita asociarse co country, folk, coa música irlandesa e co bluegrass, aínda que tamén se pode escoitar en moitos outros xéneros musicais. Os banjos acústicos modernos máis comúns son o banjo con resoador e o banjo aberto.

Véxase tamén

Bibliografía

• Conway, Cecelia (1995). African Banjo Echoes in Appalachia: A Study of Folk Traditions (en inglés). University of Tennessee Press. ISBN 0-87049-893-2. 
• Gura, Philip F.; Bollman, James F. (1999). America's Instrument: The Banjo in the Nineteenth Century (en inglés). University of North Carolina Press. ISBN 0-8078-2484-4. 
• Katonah Museum of Art (2003). The Birth of the Banjo (en inglés). Nova York: Katonah Museum of Art. ISBN 0-915171-64-3. 

---

Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---