Bandeira do Brasil

Bandeira do Brasil
Características
Uso	...
Proporción	7:10
Adopción	19 de novembro de 1889
Cores	Verde      Amarelo      Azul      Branco

A bandeira do Brasil (coñecida co sobrenome de Auriverde) está formada por un rectángulo verde de proporción 7:10. Sobre este rectángulo, aparece un rombo amarelo, e dentro deste, un círculo azul cunha banda branca contén o lema "Ordem e Progresso" en cor verde, así como 27 estrelas de cor branca.

Historia

Dominación colonial

Durante a dominación colonial do Brasil por parte de Portugal utilizáronse diversas bandeiras baseadas nos emblemas da monarquía lusitana. As primeiras bandeiras usadas polos navegantes e exploradores incluían a cruz da Orde de Cristo xunto ao Escudo Real.

En 1645 foi creada a primeira bandeira propiamente brasileira ao crearse o Principado do Brasil. Constaba dunha esfera armilar dourada sobre un campo branco. Esta bandeira foi utilizada ata a fundación do Reino do Brasil como parte do Reino Unido de Portugal, Brasil e Algarve. En 1816, a bandeira do Reino do Brasil constaba da esfera armilar centrada sobre un campo azul.

• 
  Bandeira utilizada por navegantes
• 
  Principado do Brasil (1645-1816)
• 
  Reino do Brasil (1816-1822)

Independencia

O 7 de setembro de 1822, o Reino do Brasil declarouse independente de Portugal e posteriormente asumiu o título de Imperio do Brasil, título oficial que ostentou o país ata 1888.

A bandeira, base do actual pavillón patrio, constaba dun campo verde que representaba a casa de Braganza do emperador Pedro I cun rombo amarelo que identificaba aos Habsburgo, familia da emperatriz María Leopoldina. Sobre este situábase o Escudo Imperial.

• 
  Bandeira do Reino do Brasil (1822)
• 
  Bandeira do Imperio do Brasil (1822-1889)

República

A bandeira actual está baseada na antiga bandeira do Imperio do Brasil creada por Jean-Baptiste Debret en 1820. Os cambios foron ideados por un grupo de membros da Igrexa Positivista, composto por Raimundo Teixeira Mendes, Miguel Lemos e Manuel Pereira Reis. O deseño do disco azul foi executado polo pintor Décio Vilares. A bandeira foi adoptada oficialmente polo Decreto 4, o 19 de novembro de 1889 redactado por Benjamin Constant, membro do Goberno Provisional.

Desde a proclamación da República o 15 de novembro ao 19 do mesmo mes usouse outra bandeira que imitaba a dos Estados Unidos de América. As bandeiras actuais dalgúns dos estados do Brasil, como Goiás, Piauí, ou Sergipe, inspíranse neste deseño. O deseño actual, que inclúe un total de 27 estrelas, foi aprobado oficialmente a través do Decreto nº 8.241 promulgado o 12 de maio de 1992.

Bandeira da República Brasileira (15 ao 19 de novembro de 1889)

Simboloxía

Véxase tamén: Ordem e Progresso.

A bandeira actual do Brasil remóntase á bandeira do Imperio do Brasil, deseñada en 1822. Os símbolos do devandito emblema representan as familias reais de Braganza e Habsburgo, ás que pertencía o primeiro casal imperial.O disco azul da bandeira actual representa o ceo de Río de Xaneiro a mañá do 15 de novembro de 1889 (data da proclamación da República do Brasil). Móstrase coma se fose visto desde fóra da esfera celeste. Cada unha das 27 estrelas representa os distintos estados e o Distrito Federal. O número de estrelas foi variando ao longo da historia a medida que eran creados novos estados, crecendo desde as 21 orixinais ás 27 actuais.

A estrela que representa o Distrito Federal é Sigma Octantis, cuxa posición a fai visible en todo o país, ao longo de todo o ano. Ademais, debido á súa situación, o resto de estrelas representadas na bandeira parecen rotar ao redor de sigma Octantis. A estrela de Pará está por encima das demais, xa que é un estado que está ao norte da Liña do Ecuador. O lema "Ordem e Progresso" está inspirado no lema do positivismo de Auguste Comte: "L'amour pour principe et l'ordre pour base; lle progrès pour but" ("O amor por principio, a orde por base, o progreso por fin" en francés).

As estrelas

As estrelas da bandeira do Brasil

As constelacións e estrelas representadas na bandeira son:

1. Procyon (estrela de Canis Minor),
2. Canis Major (cuxa estrela máis grande é Sirio)
3. Canopus (estrela máis brillante de Carina)
4. Spica (estrela máis brillante de Virgo)
5. Hydra (cuxa estrela máis brillante é Alfard)
6. Crux (ou Cruz do Sur)
7. Sigma Octantis (estrela máis próxima ao do polo sur, constelación Octans)
8. Triangulum Australe
9. Scorpius (ou Escorpio; cuxa estrela máis grande é Antares).

As estrelas que representan os Estados do Brasil (excepto Sigma Octantis que representa o Distrito Federal) son:

Estado	Estrela	Constelación	Tamaño
Amazonas	Alpha Canis Minoris (Procyon)	Canis Minor (Can Menor)	1
Mato Grosso	Alpha Canis Majoris (Sirius)	Canis Major (Can Maior)	1
Amapá	Beta Canis Majoris (Mirzam)	Canis Major (Can Maior)	3
Rondônia	Gamma Canis Majoris (Muliphen)	Canis Major (Can Maior)
Roraima	Delta Canis Majoris (Wezen)	Canis Major (Can Maior)	2
Tocantins	Epsilon Canis Majoris (Adhara)	Canis Major (Can Maior)	2
Pará	Alpha Virginis (Spica)	Virgo	1
Piauí	Alpha Scorpii (Antares)	Scorpius (Escorpio)	1
Maranhão	Beta Scorpii (Graffias)	Scorpius (Escorpio)	3
Ceará	Epsilon Scorpii	Scorpius (Escorpio)	2
Alagoas	Theta Scorpii (Sargas)	Scorpius (Escorpio)	2
Sergipe	Iota Scorpii	Scorpius (Escorpio)	3
Paraíba	Kappa Scorpii	Scorpius (Escorpio)	3
Rio Grande do Norte	Lambda Scorpii (Shaula)	Scorpius (Escorpio)	2
Pernambuco	Mu Scorpii	Scorpius (Escorpio)	3
Mato Grosso do Sul	Alpha Hydrae (Alphard)	Hydra (Hidra Macho)	2
Acre	Gamma Hydrae	Hydra (Hidra Macho)	3
San Paulo	Alpha Crucis (Acrux)	Crux (Cruz do Sur)	1
Río de Xaneiro	Beta Crucis (Becrux)	Crux (Cruz do Sur)	2
Baía	Gamma Crucis (Gacrux)	Crux (Cruz do Sur)	2
Minas Gerais	Delta Crucis	Crux (Cruz do Sur)	3
Espírito Santo	Epsilon Crucis	Crux (Cruz do Sur)	4
Rio Grande do Sul	Alpha Trianguli Australe	Triangulum Australe (Triángulo)	2
Santa Catarina	Beta Trianguli Australe	Triangulum Australe (Triángulo)	3
Paraná	Gamma Trianguli Australe	Triangulum Australe (Triángulo)	3
Goiás	Alpha Carinae (Canopus)	Carina (Quilla)
Distrito Federal	Sigma Octantis	Octans	5

Cores

As cores da bandeira non están actualmente especificadas en ningún documento legal. As seguintes son as cores aproximadas:

	Verde	Amarelo	Azul	Branco
RGB	0/168/89	255/204/41	62/64/149	255/255/255
Hex	00A859	FFCC29	3E4095	FFFFFF
CMYK	100/0/100/0	0/20/100/0	100/100/0/0	0/0/0/0

Outras bandeiras

Bandeiras gobernamentais

• 
  Bandeira de proa
• 
  Estandarte Presidencial
• 
  Estandarte Vicepresidencial

Bandeiras históricas

• 
  Bandeira da Orde de Cristo (1332–1651)
• 
  Bandeira da Familia Real (1500–1521)
• 
  Bandeira de Xoán III (1521–1616)
• 
  Bandeira da Unión Ibérica (1616–1640)
• 
  Bandeira da Restauración (1640–1683)
• 
  Bandeira do Principado do Brasil (1645–1816)
• 
  Bandeira de Pedro II (1683–1706)
• 
  Bandeira de Xoán V (1707–1750)
• 
  Bandeira da Familia Real (1600–1700)
• 
  Bandeira do Reino Unido de Portugal, Brasil e Algarves (1816–1821)
• 
  Bandeira do Réxime Constitucional (1821 – 18 de setembro de 1822)
• 
  Bandeira do Reino do Brasil (18 de setembro – 1 de decembro de 1822)
• 
  Bandeira do Imperio do Brasil, primeira versión (1 de decembro de 1822–c.1870)
• 
  Bandeira do Imperio do Brasil, segunda versión (c.1870 – 15 de novembro de 1889)
• 
  Bandeira provisional dos Estados Unidos do Brasil (15 - 19 de novembro de 1889)
• 
  Primeira bandeira dos Estados Unidos do Brasil (19 de novembro de 1889 – 14 de abril de 1960).
• 
  Segunda bandeira dos Estados Unidos do Brasil (April 14, 1960 – May 28, 1968).
• 
  Primeira bandeira da República Federativa do Brasil (28 de maio de 1968 – 11 de maio de 1992).

Bandeiras rexeitadas

Ao longo da historia foron propostas distintas bandeiras para o Brasil, as cales nunca foron adoptadas. Os proxectos proxectos están inspirados polas cores verde e amarela da bandeira imperial, ou pola contra coa combinación do branco, o vermello e o negro, cores que representan os principais grupos da poboación brasileira, o vermello aos nativos, o branco aos colonos europeos e o negro aos africanos.

• 
  Proxecto de Júlio Ribeiro, 1888. Adopatado posteriormente polo Estado de San Paulo.
• 
  Proxecto de Antônio da Silva Jardim, 1890.
• 
  Proxecto de José Paranhos, 1890.
• 
  Proxecto de Oliveira Valadão, 1892.
• 
  Proxecto de Eurico de Góis, 1908.
• 
  Proxecto de Wenceslau Escobar, 1908.

Bandeiras dos Estados do Brasil

Véxase tamén: Estados do Brasil.

• 
  Bandeira do Acre
• 
  Bandeira de Alagoas
• 
  Bandeira do Amapá
• 
  Bandeira do Amazonas
• 
  Bandeira de Baía
• 
  Bandeira do Ceará
• 
  Bandeira do Distrito Federal
• 
  Bandeira do Espírito Santo
• 
  Bandeira de Goiás
• 
  Bandeira do Maranhão
• 
  Bandeira de Mato Groso
• 
  Bandeira de Mato Groso do Sur
• 
  Bandeira de Minas Xerais
• 
  Bandeira do Pará
• 
  Bandeira da Paraíba
• 
  Bandeira do Paraná
• 
  Bandeira de Pernambuco
• 
  Bandeira do Piauí
• 
  Bandeira do Río de Xaneiro
• 
  Bandeira do Río Grande do Norte
• 
  Bandeira do Río Grande do Sur
• 
  Bandeira de Rondonia
• 
  Bandeira de Roraima
• 
  Bandeira de Santa Catarina
• 
  Bandeira de San Paulo
• 
  Bandeira de Sergipe
• 
  Bandeira do Tocantins

Véxase tamén

Outros artigos

• Brasil
• Ordem e Progresso
• Escudo do Brasil
• Bandeira de Portugal

Ligazóns externas

• Brasil en Flags of the World (en inglés)