Antonio Valero Yubero
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 31 de marzo de 1932  Madrid, España | ||||||||||||||||||||||||||||||||||
| Morte | 3 de outubro de 2018 (86 anos) Sevilla, España | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||
| |||||||||||||||||||||||||||||||||||
Antonio Valero Yubero, nado en Madrid o 31 de marzo de 1932 e finado en Sevilla o 3 de outubro de 2018,[1] foi un futbolista español, que xogaba de lateral esquerdo. Militou durante case toda a súa carreira no Sevilla FC, sendo considerado un dos mellores defensas da súa historia.[2]
Traxectoria
[editar | editar a fonte]Nado en Madrid, comezou xogando no Castilla, para pasar logo ao Cuatro Caminos.[3] Comezou a súa carreira como futbolista profesional no RCD Córdoba, na Segunda División, categoría na que debutou na primeira xornada da tempada 1951/52 contra o CD Málaga. Titular indiscutible disputou 58 partidos na categoría de prata, ademais doutros 11 de promoción de permanencia.
Tras realizar o servizo militar fichou polo Sevilla FC,[3] por petición do adestrador Helenio Herrera. Militou no club durante as seguintes 10 tempadas, disputando un total de 231 partidos oficiais. Debutou nun partido contra o Deportivo da Coruña en Riazor e foi titular durante a maior parte do seu tempo en Sevilla, chegando a xogar varios partidos da Copa de Europa. En maio de 1963 sufriu unha lesión, e aínda que se recuperou non volveu disputar ningún partido oficial co Sevilla. Deixou entón o club e xogou unha última tempada co Xerez antes de retirarse aos 33 anos.[3]
Selección nacional
[editar | editar a fonte]Disputou tres partidos coa selección B de España, e en 1957 xogou o seu primeiro e único partido coa selección absoluta. Foi nun amigable contra os Países Baixos, o mesmo encontro no que debutaron Luis Suárez e Alfredo Di Stéfano e que rematou con goleada española (5-1). Formou defensa aquel día xunto a Orúe e o seu compañeiro no Sevilla Campanal II.[4]
Notas
[editar | editar a fonte]- ↑ "Fallece Antonio Valero, Dorsal de Leyenda de los años 50". Diario de Sevilla (en castelán) (Sevilla). 3 de outubro de 2018. Consultado o 16 de febreiro de 2022.
- ↑ "Antonio Valero, V Dorsal de Leyenda". sevillafc.es (en castelán). Consultado o 16 de febreiro de 2022.
- ↑ 3,0 3,1 3,2 Ramos, Jesús (8 de febreiro de 2020). "Valero, el eterno defensa izquierdo del Sevilla". Marca (en castelán). Consultado o 16 de febreiro de 2022.
- ↑ "Más de noventa mil personas presenciaron la victoria de la selección española de fútbol frente a la holandesa, por 5 a 1". La Noche (en castelán) (11193). 31 de xaneiro de 1957. p. 5. Consultado o 1 de xullo de 2021.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en BDFutbol (en castelán).
