Antonio Bilbatúa Zubeldía

Antonio Bilbatúa Zubeldía
Biografía
Nacemento	23 de maio de 1894 ; Sarria, España
Morte	27 de agosto de 1936 (42 anos); Cemiterio de Pereiró, España
Causa da morte	pena de morte, ferida por arma de fogo
Deputado nas Cortes republicanas
	Representa: Partido Socialista Obrero Español; 24 de febreiro de 1936 – 2 de febreiro de 1939 ; Lexislatura: III lexislatura da Segunda República Española ; Circunscrición electoral: Pontevedra
Actividade
Lugar de traballo	Madrid
Ocupación	político, telegrafista
Partido político	Partido Socialista Obrero Español
Familia
Irmáns	Demetrio Bilbatúa Zubeldia; Luis Bilbatúa Zubeldia

Antonio Bilbatúa Zubeldia, nado en Sarria o 23 de maio de 1894 e fusilado en Vigo o 27 de agosto de 1936, foi un político e dirixente socialista galego de orixe vasca.

Traxectoria

Fillo de Tomás Bilbatúa Urien e Luisa Zubeldia Oraa, traballou de oficial de telégrafos e militou no PSOE. En xuño de 1915 aprobou as oposicións ao corpo de telegrafistas^[1]. Foi elixido deputado da Fronte Popular pola provincia de Pontevedra nas eleccións xerais de febreiro de 1936. Co golpe de Estado do 18 de xullo de 1936 foi detido en Vigo xunto a outros dirixentes de esquerda da cidade^[2].

O 20 de agosto foi condenado a morte nun consello de guerra sumarísimo polo delito de traizón, e fusilado no camposanto de Pereiró unha semana despois xunto cos outros membros do Comité da Fronte Popular de Vigo: o seu irmán Demetrio, o alcalde Emilio Martínez Garrido, o alcalde de Lavadores José Antela Conde, e os deputados socialistas Enrique Heraclio Botana e Ignacio Seoane^[3]. Outro dos seus irmáns, Luís Bilbatúa Zubeldia, tamén foi asasinado polos falanxistas o 15 de setembro.