Alatriste
Alatriste | |
---|---|
Ficha técnica | |
Título orixinal | Alatriste |
Director | Agustín Díaz Yanes |
Produtor | Antonio Cardenal |
Guión | Agustín Díaz Yanes Arturo Pérez-Reverte |
Intérpretes | Viggo Mortensen Javier Cámara Eduardo Noriega Juan Echanove |
Distribuidora | 20th Century Fox |
Estrea | 1 de setembro de 2006 |
Duración | 147 min |
Orixe | ![]() |
Xénero | aventuras |
Na rede | |
![]() ![]() ![]() ![]() ![]() ![]() ![]() ![]() |
Alatriste é unha película de cine española dirixida por Agustín Díaz Yanes, e baseada no protagonista dunha serie de novelas escritas por Arturo Pérez-Reverte, Las aventuras del capitán Alatriste.
É a película máis cara da historia do cine español (uns 24 millóns de euros). A produtora estadounidense 20th Century Fox comprou os dereitos da película.
Ten un amplo elenco de actores encabezado por Viggo Mortensen no papel protagonista de Alatriste e do que tamén forma parte cunha pequena intervención o actor galego Luis Zahera.
O 15 de setembro de 2006, a Academia das Artes e as Ciencias Cinematográficas de España elixiu a Alatriste (xunto con outras dúas películas) como candidata para competir polo posto de representante española nos Oscar. Finalmente, foi Volver, de Almodóvar, quen o fixo, aínda que non foi seleccionada.
Elenco de actores principal
[editar | editar a fonte]- Viggo Mortensen como Capitán Diego Alatriste.
- Javier Cámara como Conde-Duque de Olivares.
- Eduardo Noriega como Conde de Guadalmedina.
- Juan Echanove como Francisco de Quevedo.
- Unax Ugalde como Íñigo de Balboa, paxe de Alatriste.
- Elena Anaya como Angélica de Alquézar.
- Ariadna Gil como María de Castro, actriz de teatro.
- Francesc Garrido como o alguacil Martín Saldaña (substitúe a Antonio Resines tras sufrir este un accidente que lle impediu participar).
- Eduard Fernández como Sebastián Copons, amigo do capitán.
- Blanca Portillo como o inquisidor Fray Emilio Bocanegra. O director tiña claro desde un principio que este papel sería interpretado por unha muller e moitos espectadores sorprendéronse ó saber que era Blanca Portillo quen estaba detrás deste personaxe.
- Paco Tous como Xeneral Francisco de Melo.
- Enrico Lo Verso como Gualterio Malatesta, espadachín italiano.
- Antonio Dechent como Curro Garrote, compañeiro de Alatriste.
- Pilar Bardem no papel de monxa.
- Pilar López de Ayala como muller de Malatesta.
Sinopse
[editar | editar a fonte]A historia ocorre durante a España Imperial do século XVII. Diego Alatriste é un soldado ó servizo do rei Filipe IV. Atópase na Guerra de Flandres. Ó seu regreso, ve como o Imperio se vai desmoroando por momentos a causa do egoísmo dos gobernantes da época.
A trama da película fai un percorrido por cada un dos cinco libros publicados ata a estrea, mantendo como fío argumental da mesma os personaxes principais.
Premios e nomeamentos
[editar | editar a fonte]Categoría | Persoa | Resultado |
---|---|---|
Mellor película | Candidata | |
Mellor actor | Viggo Mortensen | Candidato |
Mellor actor secundario | Juan Echanove | Candidato |
Mellor actriz secundaria | Ariadna Gil | Candidata |
Mellor guión adaptado | Agustín Díaz Yanes | Candidato |
Mellor dirección de produción | Cristina Zumárraga | Gañadora |
Mellor música orixinal | Roque Baños | Candidato |
Mellor dirección artística | Benjamín Fernández | Gañador |
Mellor deseño de vestiario | Francesca Sartori | Gañadora |
Mellor fotografía | Paco Femenia | Candidato |
Mellor montaxe | José Salgado | Candidato |
Mellor maquillaxe e peiteado | José Luís Pérez | Candidato |
Mellor son | Pierre Gamet | Candidato |
Mellores efectos especiais | Reyes Abades, Rafael Solorzano | Candidatos |
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Alatriste |