Real Betis Balompié

O Real Betis Balompié é un equipo de fútbol profesional da cidade andaluza de Sevilla, en España. Actualmente milita na Primeira División. Os seus máximos galardóns son un título de Liga na tempada 1934-35 e dúas Copas do Rei. Foi o primeiro equipo andaluz que xogou en Primeira División, que gañou a Copa do Rei no seu actual formato e que gañou a Liga española, ademais de ser o primeiro en xogar na Liga de Campións da UEFA no actual formato.

Betis
Nome	Real Betis Balompié
Alcume(s)	Béticos Béticos del Universo Verdiblancos Verderones
Fundación	1907 (117 anos)
Estadio	Benito Villamarín, Sevilla, España
Inauguración	1929
Capacidade	56.432
Presidente	Ángel Haro
Adestrador	Manuel Pellegrini
Liga	Primeira División
2019–20	15º
Vestimenta	Kappa
Na rede
http://www.realbetisbalompie.es/
Titular Alternativo Terceiro

Está clasificado na 10ª posición na clasificación histórica da liga, con 47 tempadas na máxima categoría. Nos anos 1995, 1997 e 2005 logrou o 20º posto no Top 25 da clasificación de clubs do mundo da IFFHS. É, ademais, o sexto equipo en número de afeccionados en España (3,3%), segundo unha enquisa do CIS de maio de 2007, por detrás de Real Madrid (32,8%), Barcelona (25,7%), Valencia (5,3%), Athletic (5,1%) e Atlético de Madrid (4,3%).

Disputa o derbi sevillano contra o Sevilla FC, club co cal mantén unha gran rivalidade histórica.

Historia

Aliñación do Sevilla Balompié o 25 de decembro de 1913.

O club fundouse o 12 de setembro de 1907 como Sevilla Balompié. En 1909 creouse o Betis FC dunha escisión do Sevilla FC e ambos fusionáronse en 1914 adoptando o nome actual. Foi no mesmo ano cando recibiu o título de "Real" por parte do rei Afonso XIII. O nome de Betis é un derivado da palabra "Bética", nome romano de Andalucía. A causa das súas orixes, o Betis foi apoiado, en xeral, pola clase obreira. A data dat l'actual nom.

O Betis gañou a súa primeira e única liga ata o momento na tempada 1934-35. A partir dese ano o equipo foi en declive. A peor situación do equipo tivo lugar co descenso en 1974 á Terceira División, co paradoxo de que o seu filial ascendeu á Segunda División. 2 anos despois o primeiro equipo ascendeu, o que levou consigo o descenso do filial. En 1977 o Betis gañou a Copa do Rei, a primeira da democracia. Durante o verán de 1992 o club estivo a piques de desaparecer por unha forte crise, pero foi salvado polo seu vicepresidente Manuel Ruiz de Lopera, quen se converteu no seu propietario.

Na tempada 2004-05, o Betis conseguía terminar a Liga en cuarta posición, clasificándose por primeira vez na súa historia para xogar a rolda previa da Liga de Campións. Ademais, ese mesmo ano o club conseguiu a súa segunda Copa do Rei, gañando na final ao CA Osasuna. Na rolda previa da Liga de Campións conseguiu superar ao subcampión de 2004, o AS Mónaco, e disputou a fase de grupos. Quedou encuadrado nun grupo xunto a Chelsea FC, Liverpool FC e RSC Anderlecht. O Betis quedou eliminado pero coa súa terceira posición obtivo unha praza nos dezaseisavos de final da Copa da UEFA. O equipo sería eliminado en oitavos polo Steaua Bucarest. Ese mesmo ano, na liga, estivo a punto de descender a Segunda. Na tempada 2008-09, o club acababa en 18ª posición e descendía novamente a Segunda División.

Despois dunha tempada na que non puido ascender, en 2011 conseguiu, da man do técnico Pepe Mel o retorno a Primeira División.

Uniforme

• Uniforme titular: Camiseta verdibranca, pantalón branco e medias verdes.
• Uniforme alternativo: Camiseta negra, pantalón negro e medias negras.
• Terceiro uniforme: Camiseta rosa, pantalón verde escuro e medias rosas.

Estadio

Panorámica do estadio

Artigo principal: Estadio Benito Villamarín.

O Estadio Benito Villamarín ten capacidade para 55.500 persoas. Actualmente xa están terminadas as zonas de Fondo e Gol Norte. Está situado no barrio de Heliópolis, na Avenida da Palmera. As súas dimensións son 107 x 64 metros. Actualmente segue en construción. O Gol Sur será derribado para o seu remodelación no verán cando acabe a tempada co que o club terá que xogar a partir desa data no Estadio Olímpico de La Cartuja, o estadio terá unha capacidade de 64.000 espectadores.

Datos do club

• Número de Socios: 35.000
• Tempadas en 1ª: 48
• Tempadas en 2ª: 25
• Tempadas en 2ªB: 0
• Tempadas en 3ª: 7

Xogadores

Equipo actual

Actualizado a 1 de febreiro de 2018.

Nº Posto País Xogador 1 POR Dani Giménez 2 DEF Rafa Navarro 3 MED Javi García 4 DEF Zouhair Feddal 5 DEF Jordi Amat 6 MED Fabián Ruiz 7 DIA Sergio León 8 MED Víctor Camarasa 9 DIA Antonio Sanabria 10 MED Ryad Boudebouz 12 DIA Joel Campbell 13 POR Antonio Adán

Nº Posto País Xogador 14 DEF Riza Durmisi 15 DEF Marc Bartra 16 DIA Loren Morón 17 MED Joaquín 18 MED Andrés Guardado 19 DEF Antonio Barragán 20 DIA Cristian Tello 23 DEF Aïssa Mandi 24 DIA Rubén Castro 27 MED Francis Guerrero 27 DEF Junior Firpo

Palmarés

Torneos nacionais

• Liga de España (1): 1934–35
• Copa do Rei (3): 1976–77, 2004–05, 2021-22
• Segunda División (7): 1931–32, 1941–42, 1957–58, 1970–71, 1973–74, 2010–11, 2014–15
• Terceira División (1): 1953–54 (Grupo 6)
• Copa de Andalucía (1): 1928
• Subcampión da Copa do Rei: 1931, 1996–97
• Subcampión da Copa da Liga: 1986
• Subcampión da Supercopa de España: 2005
• Subcampión do Campionato Centro-Sur: 1932–33, 1933–34
• Subcampión da Copa de Andalucía: 1919–20, 1920–21, 1922–23, 1923–24, 1926–27, 1929–30, 1930–31, 1931–32, 1938–39

Filial

Artigo principal: Betis Deportivo Balompié.

O filial do Betis é o Betis Deportivo, fundado en 1962 e que actualmente milita no grupo IV da Segunda División B Española.

Véxase tamén

Ligazóns externas

• Sitio Web oficial
• Web Oficial do Centenario
• Web non oficial
• Web non oficial