Ramón María Tenreiro

Ramón María Tenreiro
	;
Nome orixinal	(es) Ramón Tenreiro Rodríguez
Biografía
Nacemento	(es) Ramón María Tenreiro Rodríguez ; 1879 ; A Coruña, España
Morte	1939 (59/60 anos); Suíza
Deputado nas Cortes republicanas
	13 de xullo de 1931 – 9 de outubro de 1933 ; Lexislatura: I lexislatura da Segunda República Española ; Circunscrición electoral: A Coruña
Actividade
Lugar de traballo	Madrid
Ocupación	escritor, político, publicista
Partido político	Izquierda Republicana
Familia
Cónxuxe	Cristina Pedreira
Irmáns	Antonio Tenreiro Rodríguez

Ramón María Tenreiro Rodríguez, nado na Coruña en 1879 e finado en Bine (Suíza) en 1939, foi un escritor e un político galego. Era irmán do arquitecto Antonio Tenreiro Rodríguez.

Traxectoria

Ramón Tenreiro estudou no Instituto Eusebio da Guarda na Coruña e logo en París, onde foi compañeiro de Picasso. De natureza enfermiza, aínda novo foille amputada unha perna. Licenciouse en Dereito. En 1908 quedou segundo no concurso de novelas breves de "El Cuento Semanal" con Embrujamiento. Foi crítico literario en La Lectura e colaborou en El Sol.

Amigo persoal de Manuel Azaña, foi militante de ORGA primeiramente e máis tarde seríao de Izquierda Republicana. Foi elixido deputado pola provincia da Coruña nas eleccións a Cortes Constituíntes de 1931. Cando estalou a guerra civil española foi nomeado secretario da embaixada española de Berna (Suíza). Faleceu en Bine, nas beiras do lago Neuchâtel, en 1939.

Escribiu narracións en lingua castelá e traduciu do alemán algunhas obras. Algunhas das súas narracións foron vertidas a outros idiomas. Así mesmo colaborou en diversas revistas e xornais.

Obra

Autoría propia (selección)

La agonía de Madrid o la cola del cometa (1910)
La promesa (1926)
La esclava del Señor (1927)
La ley del pecado (1930)

Traducións (selección)

El túnel de Bernhardt Kellerman
El mundo que nace de H. G. von Keyserling
María Estuardo de Stefan Zweig
Las afinidades electivas de Johann Wolfgang von Goethe

Adaptacións

El conde Lucanor, de Don Juan Manuel (1932)
Libros de caballerías (Amadís de Gaula, Palmerín de Inglaterra) (1935)

Véxase tamén

Bibliografía

Enciclopedia Espasa, Espasa-Calpe, 1928 (en castelán).
Couceiro Freijomil, A. (1954). "TENREIRO, Ramón María". Diccionario bio-bibliográfico de escritores (en castelán) III. Santiago de Compostela: Bibliófilos Gallegos. p. 403.
Gran Enciclopedia Gallega, tomo 29. 1980

Ligazóns externas

Gurriarán, Ricardo. "Ramón María Tenreiro". Álbum da JAE do Consello da Cultura Galega.
Obras de Ramón María Tenreiro
Ficha do Congreso dos Deputados Arquivado 03 de marzo de 2016 en Wayback Machine. (en castelán)