Portal:Era viquinga

A era viquinga é o período da historia de Europa, especialmente o norte de Europa e a historia de Escandinavia, comprendido entre finais do século VIII ata mediados do século XI, a continuación da Idade do Ferro Xermánica. É o período da historia no que os pobos nórdicos escandinavos esploraron Europa a través dos seus mares e ríos para o comercio, as incursións, a colonización e a conquista. Neste período, os nórdicos establecéronse en Groenlandia, Terranova, e as actuais Illas Feroe, Islandia, Noruega, Escocia, Inglaterra, Irlanda, Países Baixos, Alemaña, Ucraína, Rusia e Turquía. Aínda que os viaxeiros e colonos viquingos foron vistos en moitos momentos da historia como asaltantes brutais, moitos documentos históricos suxiren que as súas invasións doutros países foron en resposta á invasión de terras tribais polos misioneiros cristiáns, e quizais polas Gerras Saxonas levadas a cabo por Carlomagno e os seus parentes ao sur ou, foron motivadas pola superpoboación, as desigualdades comerciais, e a escasez de terras de cultivo nas súas terras orixinais. A información sobre a era viquinga baséase en boa parte no que foi escrito sobre os viquingos polos seus inimigos, e as fontes primarias arqueolóxicas, proporcionadas polas Sagas Islandesas. Amosar máis contido destacado Artigo destacado O alfabeto rúnico (en protonórdico: ᚱᚢᚾᛟ runo, e en nórdico antigo: rún) ou Futhark —termo formado a partir do nome das seis primeiras letras deste alfabeto, que se chamaban runas— era o alfabeto utilizado polos antigos pobos de lingua xermánica (como os anglos e nórdicos). Tamén se empregaba na adiviñación e na maxia. Ao contrario das letras do alfabeto latino, as runas teñen sensos intrínsecos. O feito, con todo, é que o alfabeto latino é o froito dunha longa e lenta evolución, herdanza dos etruscos, cuxo alfabeto era tamén o froito da herdanza dos fenicios; como todos os alfabetos tiveron como orixe os pictogramas, que tiñan un significado simbólico, é bastante improbábel que os pobos xermánicos puideran inventar un alfabeto a partir da nada uns milenios despois do nacemento dos primeiros alfabetos. Unha moeda etrusca que representaba os atributos de Atenea atopada no Valais, en Suíza, traza bastante ben o camiño que debeu percorrer o alfabeto cara o norte antes de os pobos nórdicos adaptáreno ás súas propias linguas. É moi probábel que o futhark primitivo de 24 letras derive dos alfabetos alpinos, que á súa vez provirían do etrusco. A raíz indoeuropea da palabra runa, *run, significa «misterio» ou «segredo» e isto é máis visíbel nun dos derivados: raunen significa «murmurar» ou «falar en secreto». Hai outros sistemas de escritura emparentados coas runas: as Runas húngaras e o alfabeto runiforme turco chamado Runas göktürk. Imaxe destacada O barco de Oseberg no Museo de barcos viquingos de Oslo (Noruega). Vexa o artigo barco viquingo. Categorías Queres atopar artigos relacionados coa Era viquinga? Proba buscando nas seguintes categorías: Viquingos Duques de Normandía Filmes ambientados na era viquinga Biografía destacada Sabías que...? ... os viquingos descubriron América case 500 anos antes que Cristovo Colón? ... Erik o Roxo (na imaxe) a colonizou Groenlandia logo de ter sido desterrado por asasinato? ... a primeira incursión dos viquingos en Galicia tivo lugar no ano 844 e aparece reflectida nos Annales Bertiniani? Artigos de calidade e bos Artigos de calidade (0) Artigos bos (2) Skaði, Estandarte do corvo Proxectos relacionados Historia Portais relacionados Proxectos irmáns Wikimedia Commons en Commons