Wikipedia

Luciano Fariña Couto

funcionario e profesor galego

Luciano Fariña Couto, nado en Cambados o 13 de xaneiro de 1916 e finado en Pontevedra o 9 de decembro de 2011,[1] foi un funcionario e profesor galego.

Modelo:BiografíaLuciano Fariña Couto
Biografía
Nacemento13 de xaneiro de 1916 Editar o valor en Wikidata
Cambados, España Editar o valor en Wikidata
Morte9 de decembro de 2011 Editar o valor en Wikidata (95 anos)
Pontevedra, España Editar o valor en Wikidata
Actividade
Ocupaciónfuncionario, profesor de ensino secundario Editar o valor en Wikidata
Membro de
Familia
FillosLuciano Fariña Busto, Francisco Fariña Busto Editar o valor en Wikidata
IrmánsLuís Fariña Couto Editar o valor en Wikidata
Descrito pola fonteÁlbum de Galicia
Gran Enciclopedia Galega Silverio Cañada
Dicionario biográfico de Galicia Editar o valor en Wikidata
Galiciana: 355192 BNE: XX1601101 BUSC: farina-couto-luciano-1916-2011 Dialnet: 1295948

Traxectoria

editar

Formou parte do Seminario de Estudos Galegos, onde ingresou como membro en febreiro de 1933[1] coa lectura de ingreso, publicada despois na revista Nós, contando coa colabaración de Xurxo Lorenzo Fernández, baixo o título Tres estacións de arte rupestre da serra do Leboreiro.[1][2][3] Foi presidente da Juventud de Acción Católica de Cambados[4][5] entre os anos 1933 e 1942.[1]

Tras principiar os estudos en 1932 na Universidade de Santiago de Compostela,[1] licenciousue en Filosofía e Letras pola Universidade de Valladolid[3] en 1940 e en Dereito pola Universidade de Santiago de Compostela en 1955,[1] nesta última doutorouse coa tese La legislación de los sínodos diocesanos de Orense en los siglos XV y XVI, sobre los sacramentos del bautismo, penitencia, eucaristía y matrimonio[3][6] baixo a dirección de Paulino Pedret[1] en 1964,[7] completando previamente os estudos de Graduado Social en 1951 e mais os de Perito Mercantil no ano 1956.[1]

Incorporouse a filas durante a guerra civil española en Valladolid no ano 1937, serviu como administrativo no sanatorio antituberculoso da FET y de las JONS Onésimo Redondo de Valladolid,[1] dirixido polo médico galego Luís de Castro García.[8][9]

Dedicouse á docencia, comezando esta actividade no ano 1940, dando clases en diferentes institutos de ensino secundario de Galicia, así como profesor axudante na Universidade de Santiago de Compostela durante a década de 1960.[1]

Accedeu ó corpo técnico do Instituto Nacional de Previsión (INP) en 1945,[10] primeiro con destino en Madrid, o ano seguinte en Barcelona, para trasladarse a Ourense en 1947, onde se reencontrou cos membros do Seminario de Estudos Galegos, en 1962 a Santiago de Compostela e no ano 1966 á Coruña. En 1972 foi nomeado administrador de Institucións sanitarias en Pontevedra dependente da Delegación provincial do INP.[1] Como membro da Falange, foi nomeado subxefe provincial do Movimiento Nacional en Ourense no ano 1958,[11] cesou un ano despois, asumindo o posto de director do Taller-Escuela Sindical de Formación Profesional 12 de Octubre de Ourense. Foi tamén concelleiro entre os anos 1960 e 1962 no concello de Ourense.[1]

Vida persoal

editar

Fillo de Luis Fariña Gómez, procurador dos tribunais, foi irmán de Luís Fariña Couto. Casou con Francisca Busto Rodríguez en 1945[10] e foi o pai de Luciano e Francisco Fariña Busto.

Obra

editar

Heráldica

editar

Obras colecctivas

editar

Artigos

editar

Notas

editar
  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Álbum de Galicia, Luciano Fariña Couto.
  2. ↑ Lorenzo Fernández, Xurxo; Fariña Couto, Luciano (23-07-1933). "Tres estacións de arte rupestre da Serra do Leboreiro". Nós (Ano XV, nº: 115): 124–132. 
  3. ↑ 3,0 3,1 3,2 Gran Enciclopedia Galega, Fariña Couto, Luciano, 1916-2011.
  4. ↑ "Cambados lembra os aniversarios da Xuventude e do grupo de Acción Católica". Faro de Vigo. 19-08-2009. Consultado o 29-02-2024. 
  5. ↑ Costa, Bea (30-08-2009). "Paredes cargadas de historia". La Voz de Galicia. Consultado o 29-02-2024. 
  6. ↑ Fariña Couto, Luciano (1965-1966). "La legislación de los sínodos diocesanos de Orense en los siglos XV y XVI, sobre los Sacramentos del Bautismo, Penitencia, Eucaristía y Matrimonio". Boletín da Universidade de Santiago de Compostela (Universidade de Santiago de Compostela). 
  7. ↑ "Lectura de tesis doctoral". La Noche (en castelán). 08-12-1964. Consultado o 29-02-2024. 
  8. ↑ Ponte, Fernando; de Castro, Álvaro (23-08-2021). "Luis de Castro García (1912-1977) / Tisiólogo y humanista ourensano". El Correo Gallego (en castelán). Consultado o 01-03-2024. 
  9. ↑ Simón Lorda, David; de Castro Palomares, Álvaro (2014). "La Sanidad de la F.E.T y de las J.O.N.S: el Sanatorio Antituberculoso "Onésimo Redondo". Valladolid, 1938-1939". Medicina y poder político: XVI Congreso de la Sociedad Española de Historia de la Medicina: Madrid, 11-13 de junio de 2014 (en castelán). Sociedad Española de Historia de la Medicina. pp. 491–498. ISBN 978-84-617-0024-0. 
  10. ↑ 10,0 10,1 "Luciano Fariña Couto: 13-01-1916 - 09-12-2011 : in memoriam" (PDF). Estudios de genealogía, heráldica y nobiliaria de Galicia (Asociación de Genealogía, Heráldica y Nobiliaria de Galicia) (nº: 10): 13–14. 2012. ISSN 1579-2293. Con cariño: A Asociación, os teus compañeiros, familiares e amigos 
  11. ↑ "Noticias breves. Nombramientos" (PDF). Boletín da A. C. N. de P. (en castelán) (Asociación Católica Nacional de Propagandistas) (Ano XXXIV, nº: 647-648). 15-30 de decembro de 1958. Depósito legal: M-244-1958. Consultado o 29 de febreiro de 2024. 

Véxase tamén

editar

Bibliografía

editar
Traído desde «https://gl.wikipedia.org/w/index.php?title=Luciano_Fariña_Couto&oldid=6880359»