Francisco Salgado López

Francisco Salgado López-Quiroga, nado en Monterroso en 1859 finado na Coruña o 8 de novembro de 1940, foi un avogado, xuíz, xornalista e escritor galego.

Francisco Salgado López

Biografía
Nacemento	(es) Francisco Salgado López-Quiroga 1859 Monterroso, España
Morte	8 de novembro de 1940 (80/81 anos) A Coruña, España
Educación	Universidade de Santiago de Compostela
Actividade
Ocupación	avogado, xornalista, xuíz, escritor
Familia
Irmáns	Antonio Salgado López

Traxectoria

Irmán de Antonio Salgado López. Licenciado en Dereito pola Universidade de Santiago de Compostela (1884), dirixiu La Prensa Gallega de Santiago de Compostela en 1885. Comezou a exercer como avogado no Xulgado de Chantada. En 1890 aprovou as oposicións á xudicatura, e tivo o seu primeiro destino en Salas de los Infantes (Burgos). Foi xuíz en Callosa d'en Sarrià (Alacant) en 1902, e despois en Cambados e Pontedeume; foi fiscal da Audiencia de Ourense (1916-1924) e fiscal da Audiencia Territorial da Coruña (1924-1927). Publicou poemas en La Región, Vida Gallega e El Eco del Ulla. Utilizou os pseudónimos Proscenio e Lady Sofrosine. Finou na Coruña o 8 de novembro de 1940.

Vida persoal

Casou con Consuelo Boo. Foi pai de Sara, Raquel (que casou en 1921 con Primitivo Rodríguez Sanjurjo), e Lia Salgado Boo.

Obras

En castelán

• El secuestro del poder judicial, 1902.
• Los bacilos y los bastoncitos de doña Perfecta, 1902.
• Poesías, cuentos, aforismos y poemas breves.

En galego

• A leenda d’un probe. A soedá do campo, 1918.
• A Galicia, 1918.
• Cantares d’a Terra (2 volumes), 1922,1927.

Véxase tamén

Bibliografía

• Gato Soengas, Antonio (1993). Deputación Provincial, ed. Francisco Salgado López de Quiroga. Vida e obra poética. Lugo. ISBN 84-86824-31-1. 

Ligazóns externas

• Francisco Salgado López de Quiroga, el jutge poeta, per Joaquín Ronda Pérez