Edmund Hillary

Edmund Percival Hillary, nado en Auckland o 20 de xullo de 1919 e finado o 11 de xaneiro de 2008, foi un alpinista e explorador neozelandés, famoso por ser o primeiro que completou con éxito unha ascensión ó Everest. Alcanzou o cumio situado a uns 8.850 metros no 29 de maio de 1953 acompañado do sherpa Tenzing Norgay. É o único neozelandés vivo que aparece nun billete de banco.

Edmund Hillary

Nome orixinal	(en) Edmund Percival Hillary
Biografía
Nacemento	20 de xullo de 1919 Auckland (Imperio Británico)
Morte	11 de xaneiro de 2008 (88 anos) Auckland City, Nova Zelandia (en)
Causa da morte	infarto agudo de miocardio
Lugar de sepultura	Golfo de Hauraki (pt)
Ambassador of New Zealand to Nepal (en)
Datos persoais
Educación	Auckland Grammar School Universidade de Auckland
Actividade
Ocupación	explorador, diplomático, autobiógrafo, apicultor, filántropo, montañista
Carreira militar
Conflito	segunda guerra mundial
Deporte	alpinismo
Participou en
1955	Expedição Transantártica da Commonwealth (pt)
1953	1953 British Mount Everest Expedition (en)
1951	1951 British Mount Everest reconnaissance expedition (en)
Familia
Cónxuxe	June Hillary (1989–2008) Louise Mary Rose (1953–1975)
Fillos	Peter Hillary  () Sarah Hillary  ()
Pais	Percival Augustus Hillary   e Gertrude Clark
Cronoloxía
29 de maio de 1953	primeira ascensión
Premios
(2006)  honorary doctor of the University of Waikato (en) (1987)  Ordem da Nova Zelândia (pt) (1958)  Medalla dos Patróns da Real Sociedade Xeográfica (1955)  Grande Médaille d'Or des Explorations (en) (1953)  Order of Gorkha Dakshina Bahu (en)  New Zealand Sports Hall of Fame  Cabaleiro Comandante da Orde do Imperio Británico  Commander of the Cross of the Order of Merit of the Republic of Poland (en)  Premio Padma Bhushan  Medalla da Coroación da Raíña Isabel II de 1953  Padma Vibhushan  Estrela de 1939–1945 (pt)  Orde da Xarreteira  Medalha Polar (pt)  medalla Livingstone
Sinatura
Descrito pola fonte	Grande Enciclopedia Soviética 1969-1978, (sec:Хиллари Эдмунд) Obálky knih,

Traxectoria

Nado ó sur de Auckland, Hillary acudiu á Auckland Grammar School , unha escola que se atopaba a dúas horas de camiño. O xove Hillary adoitaba pasar estas horas de camiño lendo. Medrou sendo un neno tímido que buscou refuxio nos libros. Aos 16 anos espertou o seu interese pola escalada tras unha excursión escolar a Ruapehu.

Durante a segunda guerra mundial foi membro da aviación neozelandesa. Formou parte dunha expedición ao Everest en 1951 que resultou un fracaso antes de unirse en 1953 á exitosa expedición británica. Escalou outros 10 picos no Himalaia en posteriores visitas en 1956, 1960, 1961, 1963 e 1965. Tamén alcanzou o Polo Sur formando parte da Expedición transártica da Commonwealth o 4 de xaneiro de 1958.

Hillary perdeu á súa esposa Louise e á súa filla Belinda nun accidente de aviación acontecido no Nepal. Máis tarde casou con June Mulgrew. O seu fillo Peter Hillary é tamén un aventureiro e ten escalado o Everest dúas veces.

Activismo

Ven dedicando gran parte da súa vida en axudar ao pobo Sherpa do Nepal a través dunha fundación á que dedicou as súas enerxías. Grazas a esta fundación téñense construído escolas e hospitais nas remotas rexións do Himalaia. Durante a década dos 80 foi o Alto Comisionado de Nova Zelandia para a India, equivalente ó cargo de embaixador.

Con ocasión da celebración do 50 aniversario da primeira ascensión ao Everest, o goberno do Nepal nomeou cidadán de honor a Edmund Hillary e lle concedeu unha celebración especial que se celebrou en Katmandú. Hillary é o primeiro estranxeiro que recibe un honor deste tipo do pobo nepalí.