Douradiña

Case ameazada

Reino:	Plantae
División:	Pteridophyta
Clase:	Polypodiopsida
Orde:	Polypodiales
Familia:	Aspleniaceae
Xénero:	Asplenium
Especie:	A. officinarum

Nome binomial

Asplenium ceterach
Willd.

Sinonimia

Ceterach officinarum L.

A douradiña ou fento pequeniño (Ceterach officinarum ou Asplenium ceterach) é unha especie de fento pertencente á familia Aspleniaceae. Aparece en Galiza.

Descrición

Trátase dunha planta cun rizoma groso e curto, do que xorden unhas frondes en fascículos mestos, que posúen unha lámina pinnada, verdosa, glabra pola face superior, cun indumento prateado polo envés; ditas pinnas son alternas, ovadas. O pecíolo é menor en lonxitude có limbo. Os seus soros, carentes de indusio, son lineares. 2n=144.

Distribución e hábitat

Trátase dunha especie propia de Europa occidental e central, incluíndo a rexión mediterránea deica Asia, na súa zona temperada. O seu hábitat preferente consiste en fendas das rochas, especialmente sobre substratos calcarios.

Propiedades

Posúa aplicacións en medicina popular como diurético. Principios activos: Describiuse a presenza de taninos, ácidos orgánicos e mucilaxes.^[1]

Indicacións: Uso popular coma: diurético, colerético, hipotensor, hipoviscosizante, tónico xeral e antitusivo. Indicado para estados nos que cómpre un aumento da diurese: afeccións xenitourinarias (cistite, ureterite, uretrite, oliguria, urolitíase), hiperazotemia, hiperuricemia, gota, hipertensión arterial, edemas, exceso de peso acompañado de retención de líquidos. Prevención da arteriosclerose; disquinesias biliares. Bronquite, gripe, arrefriados.^[1] Úsanse as partes aéreas. Apáñase de maio até agosto. Infusión: 1 cullerada por cunca; dous ou tres cuncas por día, despois das comidas.^[1]

Taxonomía

Fento pequeniño no seu hábitat

Asplenium ceterach foi descrita por Mary Tindale e publicado en Contributions from the New South Wales National Herbarium 3(3): 247 1963.^[2]

Etimoloxía

O nome científico do xénero Asplenium fai referencia ao uso terapéutico que se daba a estas plantas durante a Idade Media para sandar doenzas ligadas co bazo (exceso de bile negra). Así, Asplenium sería unha adaptación ao latín do grego "splen" (bazo). ceterach: epíteto

Citoloxía

Número de cromosomas de Ceterach officinarum (Fam. Aspleniaceae) e táxones infraespecíficos: 2n=144^[3]

Sinonimia

Ceterach officinarum subsp. officinarum Willd.
Ceterach officinarum Willd.
Ceterach vulgare var. crenatum Samp.
Ceterach vulgare Druce^[4]

Notas

↑ ^1,0 ^1,1 ^1,2 "Ceterach officinarum". Plantas útiles: Linneo. Arquivado dende o orixinal o 01 de decembro de 2009. Consultado o 30 de novembro de 2009.
↑ "Douradiña". Tropicos.org. Missouri Botanical Garden. Consultado o 23 de setembro de 2012.
↑ Cytotaxonomy of spanish plants. I. Introduction. Pteridophyta and Gymnospermae. Löve, A. & E. Kjellqvist (1972) Lagascalia 2(1): 23-35
↑ "Asplenium ceterach L.". www.theplantlist.org. Consultado o 2020-01-03.

Véxase tamén

Bibliografía

Carrión Vilches, Miguel Ángel (2000). Helechos de la Región de Murcia. ISBN 84-699-3093-1.

Ligazóns externas

[Lin-1] 1,0 ^1,1 ^1,2 "Ceterach officinarum". Plantas útiles: Linneo. Arquivado dende o orixinal o 01 de decembro de 2009. Consultado o 30 de novembro de 2009.

[Trop-2] "Douradiña". Tropicos.org. Missouri Botanical Garden. Consultado o 23 de setembro de 2012.

[3] Cytotaxonomy of spanish plants. I. Introduction. Pteridophyta and Gymnospermae. Löve, A. & E. Kjellqvist (1972) Lagascalia 2(1): 23-35

[4] "Asplenium ceterach L.". www.theplantlist.org. Consultado o 2020-01-03.

[1]

[2]

[3]

[4]