Despensa

Unha despensa, do latín dispensu (administrado, aprovisionado), é un moble, habitación ou lugar da casa onde se almacenan os alimentos.

A Despensa, Frans Snyders, ca. 1620

Características

As despensas eran correntes en casas antes do uso extensivo do frigorífico.

Unha despensa debe ser:

• Tan fresca como sexa posible
• Próxima ás áreas de preparación de alimentos
• Construída para evitar a entrada de moscas e bechos
• Fácil de manter limpa
• Equipada de andeis apropiados ao alimento que é almacenado.

No hemisferio norte, a maioría das casas adoitaban ter a súa despensa e cociña no lado norte ou leste da casa onde recibía menos sol. En Australia e Nova Zelandia as despensas eran colocadas nos lados sur ou oeste da casa pola mesma razón.^{[Cómpre referencia]}

Historia

Despensa do século XIX no Museo Romántico Can Papiol de Vilanova i a Geltrú

Moitas despensas teñen pequenas xanelas sen vidro coa abertura cuberta por unha malla fina. Isto permite a circulación libre do aire sen permitir que entren as moscas. Moitas despensas alicatáronse ou se pintaron as paredes para simplificar a limpeza. As despensas máis vellas e especialmente as das casas máis grandes tiñan ganchos no teito para colgar pezas de carne ou de caza. Outras tiñan envases illantes para o xeo, anticipando o desenvolvemento futuro dos refrixeradores. Unha despensa pode conter unha laxa ou un estante de pedra usado para manter o alimento fresco nos tempos anteriores á refrixeración.

Nunha casa moderadamente grande do século XIX, todos estes cuartos púñanse tan abaixo no edificio como fose posible e conveniente para utilizar a masa da terra para conservalos a baixa temperatura durante o verán.

Moi poucas casas modernas teñen despensas no sentido antigo chamándose así agora aos andeis ou cuartos pequenos situados normalmente xunto á cociña, onde se gardan as bebidas e alimentos envasados.^{[Cómpre referencia]}

Véxase tamén

Bibliografía

• Pond, Catherine Seiberling (2007). The Pantry: Its History and Modern Uses. Salt Lake City: Gibbs Smith. ISBN 1-4236-0004-5. , (en inglés).

Outros artigos

• Armario