Ravenswâld

	Ravenswâld
	Brêge oer de earste wyk
	Emblemen
	Bestjoer
Lân	Nederlân
provinsje	Fryslân
gemeente	Eaststellingwerf
	Sifers
Ynwennertal	405 (1 jannewaris 2023)
Oerflak	12,97km², wêrfan: ; - lân: 12,34 ; - wetter: 0,63 km²
Befolkingsticht.	33 ynw./km²
	Oar
Koördinaten	52° 57' N 6° 22' E
	Himrik (grien) fan Ravenswâld yn Eaststellingwerf
	Offisjele webside
	ravenswoud.nl
	Kaart
	;

Ravenswâld is in doarp yn de eastpunt fan de gemeente Eaststellingwerf. It leit súdeast fan Easterwâlde en noardeast fan Appelskea oan de grins mei Drinte.

Ravenswâld hat 405 (1 jannewaris 2023)^[2] ynwenners.

Skiednis

Schotanus hat in plasse Ravensmeer neamd. Sybesz neamde it op in kaart fan 1764 dat marke "Het Witte Meer".

De skiednis fan it jongste doarp fan Eaststellingwerf hinget nau gear mei de feanterij, dy't yn dy krite yn Appelskea útein sette. Fanút de Appelskeaster Feart waarden op likense ôfstân fan inoar wiken groeven it fean yn. Letter waarden dwers op dy wiken op regelmjittige ôfstannen fan inoar dwerswiken groeven. De wiken moasten foar de ôfwettering soargje en fansels ek foar it transport fan 'e turf. Doe't de feanterij healwei de 19e iuw safier eine wie, dat it oan de hjoeddeiske kom fan Ravenswâld ta wie, moast it noch de namme Appelskea Tredde wyk krije.

It earste hûs yn 'e doarpskom waard yn 1871 boud en sûnt dat jier groeide it takomstige doarp stadichoan. Yn 1915 stiene der noch gjin twintich wenten yn dy kom. De ynfrastruktuer bleau ek lang net bêst. Pas op 1 oktober 1930 krige it plak in skoalle.

Yn 1939 waard in oprop yn 'e krante set mei de fraach útstellen te dwaan foar de namme fan 'e delsetting. By de seleksje waard fral sjoen nei de histoarsyke wearde fan de namme en sa bleau Ravensmeer fan de 40 ynstjoerings oer. De Ravensmar wie lykwols ferdwûn en ferfongen troch bosk, boppedat waard de namme by in útspraak as Raven-smeer net wurdearre en dêrom waard keazen foar de namme Ravenswâld.^[3]

Yn it jier 1952 naam de ried it beslút om fan it plak in apart doarp te meitjen. De buorren falle sûnt 2007 ûnder de beskerme steds- en doarpsgesichten.

It feanûntginningsgebiet by Ravenswâld is yn 2007 oanwiisd as ien fan de beskerme steds- en doarpsgesichten yn Fryslân. Yn Ravenswâld stiet de Utsjochtoer Fochtelerfean fan de stifting Natuermonuminten.

Mienskip

Pleatslik Belang is op 23 febrewaris 1940 oprjochte en jout it ferieningsblêd 'De Wyken' út. It doarpshûs en de doarpsferiening 'De Wyken' binne op 21 april 1980 oprjochte. Foar de aktiviteiten hat it doarp in Aktiviteitenkommisje.

Befolkingsferrin

Jier	1954	1959	1964	1969	1973	2004	2012	2015	2020
Ynwenners	569	585	542	487	353	419	442	405	410

(Boarnen: 2009: Gemeente Eaststellingwerf - Gemeentegids 2009-2010; 2015 en 2020: Alle Cijfers)

Keunstwurk

Ta neitins oan it hurde bestean fan 'e bewenners yn it fean stiet yn it sintrum fan it doarp it keunstwurk De Veengravers (1979) fan Wilma Burgers-Gerritsen.

Raven

Sûnt hast in iuw brocht yn 2011 in pearke raven foar it earst yn Fryslân wer jongen grut. Dat barde yn 'e bosken fan Ravenswâld. It lêste Fryske nêst fan 'e raaf foar dy tiid waard yn 1904 yn Beetstersweach leechhelle.^[4]

Strjitten

Boksleatswei - âlde namme
Fochtelerfean - nei it Fochtelerfean
Kompanjonswei - de kompanjons hienen de feanterij yn hannen.
Lycklamafeart - nei de famylje Lycklama à Nijeholt
Master Lokstrjitte - master Anje Lok wie haad fan de skoalle en troch de Dútske besetter fusiliearre.
Veenwijksweg - wei troch it fean om de turf ôf te fieren.

Sjoch ek

Fryske doarpen.

Keppeling om utens

webstee Ravenswâld

Boarnen, noaten en referinsjes

Boarnen, noaten en/as referinsjes:

Skiednis: T.H. Oosterwijk, De Geschiedenis fan Ooststellingwerfse dorpen, side 47-52

Wikimedia Commons

Ofbylden dy't by dit ûnderwerp hearre, binne te finen yn de kategory Ravenswâld fan Wikimedia Commons.

52° 58' NB, 6° 23' EL

	Eaststellingwerf
Doarpen en útbuorrens: Aldeberkeap • Appelskea • Donkerbroek • Easterwâlde • Elslo • De Fochtel • De Haule • Haulerwyk • Langedike • Makkingea • Nijeberkeap • Ravenswâld • Waskemar
Buorskippen: Aakingea • Alde Willem (foar in part) • Bekhof • Bentemaden • Boekhorst • Boppefjild • Bûteheidefjild • Buttingea • Deddingabuert • Ellebooch • Egypte • Feanebuorren • Feanekoaten • Frankryk • Hegeduerswâld • It Hegesân • Janssenstifting • Kanada • Klazingea • Kninebuert • De Knolle • De Kolannen • Koudenburch • Legeduerswâld • Medhuzen • De Monden (foar in part) • Moskou (foar in part) • Nanninga • Nije Feart • Petersburch (foar in part) • Prandingea • De Riete • Rolpeal • Skottelenburch • Skrappingea • Súdhoarne • Terwisscha • Trije Tolhikken • Tronde • Twitel • De Weper • Weperpolder • Willemstêd
· ·

[1] ttps://opendata.cbs.nl/statline

[2] ttps://opendata.cbs.nl/statline

[3] Doarpsside, oproppen 21 juny 2023

[4] Nature Today, 26 july 2011

[1]

[2]

[3]

[4]