Omgong fan Frankryk 1905

Omgong fan Frankryk 1905
3e edysje
Rûtekaart fan de Omgong fan Frankryk 1905
Tiidrek	9 - 30 july 1904
Startplak	Parys
Finishplak	Parys
Totale ôfstân	2,994 km
Gem. faasje	27.107 km/o
Dielnimmers	60
Klasseminten nei 11e etappe
Winner	FRA Louis Trousselier
foarrige edysje	Omgong fan Frankryk 1904
folgjende edysje	Omgong fan Frankryk 1906
Temaside  Sport

De 3e edysje fan de Omgong fan Frankryk waard hâlden fan 9 oant en mei 30 july 1905.

Oanpassingen

De omgong gie foar it earst fan start yn Parys en de einstreek lei foar it earst yn it Parc des Princes. eins soe de omgong van 1904 al dêr einigje mar dit gie op it lêst net troch ta gefolch fan swier waar.

Nei de skokkende Omgong fan 1904, doarde organisator Henri Desgrange dochs in tredde edysje oan. Al woe er de enoarme tiidsferskillen yn de koers beheine en sa de spanning werombringe. Dêrom waard besletten ta in punteklassemint op basis fan ien punt de 5 minuten efterstân, mei in maksimum fan 10 punten. Ek waarden lange ritten skrast, sadat der net mear yn it tsjuster fytst hoegde te wurden. Dêr stie tsjinoer dat it tal ritten fan seis nei alve útwreide waard.

Yn de twadde rit in sportive sensaasje: de hurdfytsers waarden foar de earste kear oer in berch stjoerd, de Ballon d'Alsace. René Pottier wist dizze berch as iennichste hurdfytser sûnder ôf te stappente nimmen. De berch, mei in ûnferhurde weidek, beklom er mei in gemiddelde fan 20 km/o. It waard ek syn lêste wapenfeit yn dizze omgong, want in dei letter moast er mei in slimme blessuere oan in knibbel opjaan.

De fytsers fytsten net yn ploegen, mar der wiene in tal fytsers dy't sponsore waarden.

Etappe-oersjoch

Datum	Etappe	Start – Finish	Ofstân (yn km)	Type	Winner	Klassemintslieder
9 July	1ste	Parys - Nancy	340 km	Flakke etappe	FRA Louis Trousselier	FRA Louis Trousselier
11 July	2e	Nancy - Besançon	299 km	Berchetappe	FRA Hippolyte Aucouturier	FRA René Pottier
14 July	3e	Besançon - Grenoble	327 km	Flakke etappe	FRA Louis Trousselier	FRA Louis Trousselier
16 July	4e	Grenoble - Toulon	348 km	Berchetappe	FRA Hippolyte Aucouturier
5e	18 July	Toulon - Nîmes	192 km	Flakke etappe	FRA Louis Trousselier
20 July	6e	Nîmes - Toulouse	307 km	Flakke etappe	FRA Jean-Baptiste Dortignacq
22 July	7e	Toulouse - Bordeaux	268 km	Flakke etappe	FRA Louis Trousselier
24 July	8ste	Bordeaux - La Rochelle	257 km	Flakke etappe	FRA Hippolyte Aucouturier
26 July	9e	La Rochelle - Rennes	263 km	Flakke etappe	FRA Louis Trousselier
10e	28 July	Rennes - Caen	167 km	Flakke etappe	FRA Jean-Baptiste Dortignacq
29 July	11e	Caen - Parys (Parc des Princes)	253 km	Flakke etappe	FRA Jean-Baptiste Dortignacq
Datum	Etappe	Start – Finish	Ofstân (yn km)	Type	Winner	Klassemintslieder

Boarnen, noaten en referinsjes

Boarnen, noaten en/as referinsjes: