Coutances

Coutances
Us-Leaffrouwekatedraal fan Coutances
Flagge	Wapen
Polityk
Lân	Frankryk
Regio	Normandje
Departemint	Manche
Sifers
Ynwennertal	8.454 (2018)
Oerflak	12,51 km²
Befolkingstichtens	676 / km²
Stêdekloft	200.230 (2018)
Hichte	12-150 m
Oar
Tiidsône	UTC+1
Simmertiid	UTC+2
Webside	Side Coutances

Coutances is in gemeente yn it Frânske departemint Manche yn de regio Normandje. De stêd leit op it skiereilân Cotentin op in heuvel, dy't bekroand wurdt mei de Notre-Dame fan Coutances. It is it haadplak fan it arrondissemint Coutances.

Skiednis

As haadstêd fan de keltyske stamme fan de Venelli krige de stêd yn 298 neffens de doetiidske keizer Konstantius Kloarus de namme Constantia. Dat barde twa jier nei't it Romeinske Ryk Brittanje werom ferovere hie. De regio, dy't dêrnei pagus Constantinus neamd waard, it tsjintwurdich it skiereilân Cotentin.

Coutances nei de bombardeminten yn 1944

Wytsings ferneatigen yn 866 it plak en it duorre oant de 11e iuw doe't Geoffroy de Montbray, in striidkammeraat fan Willem de Oermasterer en biskop fan Coutances, de stêd om in nije katedraal wer opboude. Yn 1204 oermastere Filips II Augustus Coutances. De katedraal waard dêrnei yn Frânske styl wer opboud ûnder biskop Hugues de Morville (1208-1238), dy't ek it inisjatyf naam foar de bou fan it hospitaal (Hôtel-dieu).

Yn de tiid fan de godstsjinstkrigen plonderden protestanten de katedraal yn 1562. Hja namen biskop Arthur de Cossé finzen en twongen him om oarsom op in esel mei de sturt yn syn hân troch de stêd te riden. Oant 1569 spriek de biskop fan Coutances rjocht oer de Kanaaleilannen en It Kanaal.

Coutances waard yn 1944 troch alliearde bombardeminten foar in grut part ferneatige. De katedraal waard foar it kriichsgeweld sparre.

Befolkingsûntwikkeling

Jier	1962	1968	1975	1982	1990	1999	2009	2018
Ynwennertal	7806	9061	9869	9930	9715	9522	9390	8454

It besjen wurdich

• De Notre-Dame fan Coutances
• Hôtel de Cussy (tsjintwurdich riedshûs)
• Jardin des Plantes
• Église Saint-Nicolas
• Église Saint-Pierre
• Resten fan in 13e-iuwsk akwadukt
• Lycée Charles-François Lebrun
• Parc L'Évêque, eardere tún fan de biskop mei in iisgrot en in izerhâldende boarne
• Kastiel Gratot, ruïnekompleks op likernôch fjouwer kilometer noardwestlik fan Coutances

Musea

• Museum Musée Quesnel-Morinière

Eveneminten

• Alle jierren wurdt it muzykfestival "Jazz sous les pommiers" (Jazz ûnder de appelbeammen) yn Coutances organisearre.

Ofbylden

• 
  Église Saint-Nicolas
• 
  Biskoplik Paleis
• 
  Église Saint-Pierre
• 
  Hôtel de Cussy
• 
  Jazz sous les pommiers

Keppeling om utens

• Tourisme Coutances
• Jazz sous les pommiers

Boarnen, noaten en referinsjes

Boarnen, noaten en/as referinsjes:

Institut national de la statistique et des études économiques Commons Wikimedia Commons  Ofbylden dy't by dit ûnderwerp hearre, binne te finen yn de kategory Coutances fan Wikimedia Commons.