Stât

Il stât al è un concet che al si cjate in plui cjamps; tal specific, in chel de gjeografie, tant che entitât juridic-politiche e in chel de chimiche, intal sens di stât de materie. Di seguit a vegnin aprofondîts i doi significâts:

Stât come ordinament juridic politic

Il Stât al è un ordinament juridic politic che al à il podê suntun precîs teritori, su la int che aì e je a stâ, cun ducj i mieçs a sô disposizion. Il Stât al è duncje une entitât dal teritori, al à un teritori che al sta sot dal so podê.

A la peraule Stât si riferissin doi concets difarents:

• Stât comunitât: popul, clamât ancje "Stât nazion".
• Stât guvier: cul monopoli de fuarce, che al oblee al rispiet di regulis.

Seont la definizion dal storic Charles Tilly: «Une organizazion che à il control de popolazion che je a stâ su chel teritori e je un stât cuant:

1. che no si po confondi cun altris organizazions che a son presintis sul stes teritori;
2. al è autonom;
3. al è centralizât;
4. lis sôs parts a son, in maniere fuarte e tal timp, coordinadis une cun chê altre».

Si cjacare di Stât democratic, cuant che al sta su cul consens dai citadins e Stât dal benstâ (welfare state), cuant che al cîr di vê il stes grât di benstâ par ducj i soi citadins cence nissune distinzion, e lôr contents i dan il lôr consens e la legjitimazion.

Concezion catoliche dal Stât

Daûr de Dotrine sociâl de Glesie catoliche, il Stât al à di rispuindi a chescj ponts:

1. Sburtâ a la convivence civîl
2. Garantî la justizie
3. Cirî il ben di ducj, de comunitât e no di nome une sô part
4. Garantî lis justis libertâts dai individui e sociâi
5. Vê a cûr la libertât religjose e i dirits de Glesie.

In fisiche e in chimiche

In fisiche e in chimiche, il stât de materie (o nome "stât") al è une forme de materie che al mostre la situazion di un sisteme chimic fisic diferent di un altri. Con Stât de materie si intint une classificazion daûr convenzion dal Stât di agregazion de materie secont des proprietâts mecanichis.

Te storie a vegnivin cjatâts trê stâts: solit, licuit e gassôs.

• Intal stât solit lis moleculis (o, a secont dai câs, i atoms) che componin la materie a son peats jenfri di lôr e formin un reticul cristalin rigjit o une struture amorfe isotrope. I solits a son no comprimibii e a àn une lôr forme proprie.
• Intal stât licuit lis moleculis a son peadis nome in maniere debule e, a son libaris di scori une su chê altre. A àn un volum ma no une lôr forme.
• Intal stât gassôs lis moleculis a agissin tra di lôr in une maniere debule e a si movin di bessolis une di chê altre doprant dut il volum che àn a disposizion. A son duncje che si puedin comprimi e no àn une forme lôr pèroprie.

A son ancjemò manieris fûr di chês pene definidis. Ad esempli il plasme al sta fûr di chê classificazion, e a ‘ndi è altris che a saltin fûr nome in condizions particolârs di temperadure e pression come plui tipis di glace, il stât superfluit chel supercritic, coloidâl e i cristai licuits.