Jacopo Pirona

Jacopo Pirona (Dignan, 22 di Novembar 1789 - Udin, 4 di Zenâr 1870) al fo un abat, insegnant e studiôs furlan.

Insegnant e diretôr tal Ginasi di Udin, al è soredut famôs pe composizion dal prin vocabolari furlan, scomençât a publicâ a pontadis intal 1868, e daspò vignût fûr par intîr a Vignesie intal 1871. In chest lavôr al fo judât dal nevôt Giulio Andrea, che dopo al slargjarà il lavôr dal barbe cun notis e zontis che a saran ae base di une gnove edizion, cognossude come Gnûf Pirona e publicade intal 1935; cheste ultime version e ven doprât ancjemò in dì di vuê come impuartante risultive di peraulis e mûts di dî dal furlan di une volte.

Jacopo Pirona al fo ancje un bon scritôr par talian e latin.